Mynd Guðni á Reginn HF.

Frá því ég byrjaði með þessa síðu þá hef ég verið að hvetja til þess að ná myndum af bátum fullfermdum.  ástæða þess er kanski sú að fyrr á árum t.d frá tímabilinu 1960 og alveg fram til 1990 þá þótti þetta það merkilegt að bátur kæmi með fullfermi að það rataði stundum á forsíðu dagblaðanna eins t.d Morgunblaðins.

Guðni á Reginn HF sendi mér þessa stórgóðu mynd af Reginn HF koma til hafnar á vertíð 2007 með 28 tonn innanborð og tvær trossur í bátnum.  Má geta þess að á þessari vertíð þá komst Reginn HF í fjögur skipti yfir 26 tonn í róðri og þar af þrisvar yfir 27 tonn í einni sjóferð. 

 Núna á vertíðinni 2009 þá eru þeir einungis 2 að róa á bátnum enn hafa samt komist í 17 tonn í 4 trossur  sem er algert mok og kanski lýsandi dæmi um þá mokveiði sem í netin er núna í mars.

Færi ég Guðna miklar þakkir fyrir þessa mynd og hvet aðra sjómenn til að senda mér mynd ef þeir eiga í fórum sínum af einhverju svipuðu og með Reginn HF.

Myndir Hilmar Bragason

Hilmar Bragason sendi mér þessar myndir og sést á eftir myndinni að þorskurinn sem þeir eru að fá er ansi vænn og góður.  Sagði hann að þeir væru að verða búnir með þorskkvótann.  samkvæmt Fiskisfotu þá er hann búinn enn þeir flytja 89 tonn af þorski yfir á næsta fiskveiðiár.  Þeir eru búnir að veiða 346 tonn af þorski á þessu fiskveiðiári.  Spurning hvernig úthaldið verður hjá bátnum núna í mars þegar þorkskvótinn er búinn. 

Mynd Guðmundur St Valdimarsson . Færi ég honum bestu þakkir fyrir.

Eins og sést á dragnótalistanum hérna að ofan þá hefur Rifsari SH heldur betur fiskað vel það sem af er mars. 

Stefán Guðmundsson Vélstjóri á bátnum sendi mér ansi góða lýsingu á einum róðrinum sem ég ætla að leyfa ykkur að lesa hérna.  Þessi var sendur til´min undir lok síðustu viku.

Var að setja inn ansi margar kannanarnir eða 6 talsins.  og er spurt um svo til alla flokkana í mars.
spurt er um eftirfarandi flokka
hvaða Línubátur verður hæstur í mars?

Hvaða Smábátur undir 10 BT verður hæstur í mars?

Hvaða Smábátur yfir 10 BT verður hæstur í mars?

Hvaða netabátur yfir 50 Bt verður hæstur í mars?

Hvaða Netabátur undir 50 Bt verður hæstur í mars?

Hvaða Dragnótabátur verður hæstur í mars?

Mynd Jón Páll Ásgeirsson . Færi ég honum bestu þakkir fyrir.

Þá Liggja sölutölur um Ágúst GK fyrir. 

Alls var Ágúst GK með 119,8 tonn og fékk fyrir það 27 milljónir eða 225,7 krónur í meðalverð.
Þorskur var uppistaða afla og fékkst 246 krónur fyrir 84,5 tonna afla.  Ýsan fór á 228 krónur og var magnið 14,8 tonn.  Keila fór á 99,7 krónur og afli 10,1 tonn.
Ef þessi sala er borin saman við Sturlu GK þá var Sturla GK með 112 tonn og 27,8 milljónir í aflaverðmæti og fékkst þá 248 krónur í meðalverð.  Þorskurinn fór á 269 krónur. 
engu að síður tæpar 55 milljónir í aflaverðmæti af þessum tveimur skipum er ansi gott.

Ágúst GK hét lengi vel áður Gullberg VE.  á loðnuleysisárunum þá stundaði Gullberg VE netaveiðar og trollveiðar.  Eina sölu hef ég á skrá hjá mér sem fram fór í Júní árið 1983.  þá silgdi Gullberg VE á Bretland og seldi alls 62,1 tonn fyrir 39151 pund eða 1,7 milljónir króna á þeim tíma.  Þorskur var þá 12,1 tonn af aflanum og meðalverð 27,07.  Þess má geta að þetta meðalverð var næst hæsta meðalverð af öllum sölum í júní árið 1983.  Einungis Valdimar Sveinsson VE fékk meira eða 27,57 krónur fyrir 42 tonna afla.  Hvernig þessi sala kemur út samanborðið við söluna í gær hef ég ekki þekkingu á til að reikna.

Myndir  Kristján R Guðmundsson Skipstjóri á Björg Hauks ÍS.  færi ég honum bestu þakkir fyrir.

 

Ég var varla fyrr búinn að setja inn myndirnar frá Aðalsteini Sveinssyni þegar mér bárust þessar myndir frá Kristjáni. 

Þess má svo geta varðandi Hrönn ÍS að ég er búinn að stofna albúm í myndaalbúmum um Hrönn ÍS og þar eru myndir frá Aðalsteini sem og Kristjáni, enn Kristján sendi mér 5 myndir og eru því 8 myndir í því albúmi núna.

Myndir:  Aðalsteinn Sveinsson á Ísafirði. Færi ég honum bestu þakkir fyrir.

Þeir fara niður eikarbátarnir sem hafa legið lengi í höfnum landsins.  í fyrra voru þeir nokkrir og núna er sá fyrsti farin á árinu 2009, og það er Hrönn ÍS.,  sem lengst af hét Guðbjörg ÍS.  Hrönn ÍS var búinn að liggja við höfn í hátt í 10 ár enn engar landanir eru að finna um bátinn allavega aftur til ársins 2001. 
Aðalsteinn Sveinsson sendi mér þessar myndir sem teknar eru í dag

Það er er mér mikil ánægja með að setja hérna inn fyrstu myndina af vonandi fleirum sem koma úr safninu hans pabba, Reyni Sveinssyni.  útaf því þá er ég búinn að stofna sérstakan flokk í myndaalbúmum og heitir sá flokkur einfaldlega.  "Gamlar myndir frá Reyni Sveinssyni.".

Þarna er allnokkur floti.  sjá má Mumma GK,  Dagstjörnuna KE og utan á honum liggur Arney KE sem núna í dag heitir Ársæll ÁR. 

Í albúminu sem ég nefndi hérna að ofan þá má sjá þessa mynd og eina aðra og hægt er að stækka þannig að hægt er að sjá betur hvaða bátar eru þar. 

Við hina myndina sem er í flokknum þá vantar nöfn á dökku bátanna, enn vitað er um Erling KE, Guðmund Jónsson GK og Jón Gunnlaugs GK sem er þar fyrir aftan.

listi númer 13.

Þriðja myndin í þemanu mínu kemur hérna og þessi er í nokkru uppáhaldi hjá mér.  Hún er tekin á Hafnarbergi eða Hafnabergi.  ( það eru tvö berg og annað við Þorlákshöfn og hitt rétt við Hafnir.  eini munurinn á þeim er að annað er með "R" enn hitt ekki). 

Þessi mynd er núna ásamt 12 öðrum myndum í Dýraríkinu við IKEA þar sem er ljósmyndakeppni um gæludýrin. 

Ef að einhverjir eru í vafa þá er Frosti alveg á brúninni þarna. 

Mynd Ragnar Pálsson .  Færi ég honum bestu þakkir fyrir.

Salan hjá Sturlu GK hefur vakið ansi mikla ahygli og sést best á að flest allir netmiðlar á landinu hafa fjallað um hana sem og í Grimsby þar sem Sturla GK silgdi.  Þar kemur jafnfram fram að þar hefði ekki íslenskt skip silgt þangað í 9 ár.

Enn hvenær skyldi Sturla GK hafa silgt síðast út?

Áður enn báturinn fékk nafnið Sturla GK þá  hafði hann verið svo til frá upphafi verið með nafnið Guðmundur RE og VE.  Helsta veiðarfærið Guðmundar var nótaveiðar nema þegar loðnuveiðar voru bannaðar uppúr 1982.  Þá stundaði báturinn netaveiðar og fékk t.d í mars mánuði árið 1983 318 tonn í 12 sjóferðum landaði í Vestmannaeyjum.  Engar sölur finn ég um Guðmund VE í mínum gögnum um árið 1982 til 1984. 
Aftur á móti er annað merkilegt við söluna hjá Sturlu GK og það er að þetta er fyrsta skiptið í mjög svo mörg ár að línubátur sigli með afla út.  Hingað til þá hafa troll og togarar verið þeir sem hafa silgt með afla út.  Helst voru það bátar frá Vestfjörðum sem notuðu línu sem sitt veiðarfæri þegar þeir silgdu með afla út, nefni t.d Jón Þórðarsson BA, Ólaf Friðbertsson ÍS og Þrym BA sem dæmi um línubáta sem silgdu.

Þannig að í raun má segja að þessi sala Sturlu GK sé stórmerkileg fyrir marga hluta sakir, fyrsta salan í grimsby í 9 ár, fyrsta salan hjá línubáti í mörg ár og svo báturinn sjálfur.

Salan gekk allavega þannig fyrir sig.
. 
Sturla GK seldi alls 112.3 tonn og fékk 248 krónur í meðalverð. heildaraflaverðmæti var 27.8 milljónir.  Sundurliðunin var eftirfarandi:
Þorskur tæp 82 tonn fyrir 22 milljónir eða 269 krónur á kíló
Ýsa 10.2 tonn fyrir 2,6 milljónir eða 257 krónur á kíló
Lúða 67 kíló og 989 krónur í meðalverð
Keila tæp 8 tonn fyrir 780 þúsund og 97 krónur í meðalverð
Langa 7.2 tonn fyrir 1.3 milljónir eða 187 krónur í meðalverð
Karfi tæp 2 tonn fyrir 327 þúsund krónur eða 166 krónur í meðalverð
Blandað tæp 3 tonn og 218 krónur í meðalverð