Veiðar stóru plastbátanna núna í ágúst hafa verið vægast sagt ansi dræmar.  Þó hafa tveir bátar skorið sig úr þar af.  og eru það Nónu bátarnir Guðmundur Sigurðsson SF og Ragnar SF.  Ragnar SF hefur þó gengið báta best og það ekkert smá.  Eins og greint var frá hérna neðar á síðunni þá sló Ragnar SF aflamet Friðfinns ÍS um mestan afla í einum róðri.  Það var ekki nóg því áhöfninn á Ragnari SF einsetti sér að ná aflametinu sem Karólína ÞH á um mestan afla í einum mánuði. 
Arnar Skipstjóin á Ragnari SF hafði samband við síðuhöfund rétt fyrir helgi og tjáði honum það að metið væri fallið, og gott betur því báturinn væri við það að rjúfa 200 tonna múrinn. Aflaverðmætið losar um 40 milljónir og hásetahluturinn er því ansi góður. 
Seinna í dag þá mun smábátalistinn vera uppfærður og þá mun betur koma í ljós hvað Ragnar SF er ´buinn að fiska mikið núna í ágúst.

Mynd Fúsi Gunn