Happadís GK var með mesta aflaverðmætið og er það í annað skipti sem báturinn nær því sæti.  jafnframt náði Happadís GK að vera með yfir 200 krónur í  meðalverð.  Er þetta nokkuð grátbroslegt þar sem Happadís GK er ekki lengur í útgerð.  Engu að síður frábær árangur hjá Sverri Þór og er ástæða til þess að óska honum og áhöfn bátsins til hamingju með þennan árangur.

Einungis 3 bátar náðu að komast yfir 1000 tonn og er það mjög fáir bátar, Sirrý ÍS var aflahæst og kemur það kanski ekki á óvart þar sem t.d núna á árinu 2009 þá hefur Sirrý ÍS svo til einokað efsta sætið.  

2 bátar eru með sama nafn enn í sitthvoru sætinu.  og er það útaf því að bátarnir voru endurnýjaðir og má þar nefna Ólaf HF.  Nýi Ólafur HF er í sæti númer 21 en sá gamli er nokkru neðar eða í sæti númer 84.  samanlagt aflaverðmæti Ólafs HF var tæpar 130 milljónir.  Gamli Ólafur HF var með mesta meðalverð allra smábátanna eða 271 krónur og skýrist það meðal annars af því að báturinn stundaði lúðuveiðar.

Hinn báturinn er Úlla SH.  Gamla Úlla SH er í sæti númer 78 en sú nýja er í sæti númer 60.  samanlagt aflaverðmæti Úllu SH var 89.8 milljónir og afli 468 tonn.

Listinn er nokkuð langur en ég var ekkert að klippa hann niður í búta og birti því hann í heild sinni, og eru svo til helstu smábátarnir yfir 10 BT á honum.