Mynd Pétur Þór Lárusson. Færi ég honum bestu þakkir fyrir.

Strákarnir á bátnum Keili II AK duttu heldur betur í góða veiði núna 24 síðastliðinn þegar samtals afli bátsins var 32 tonn eftir daginn.  Pétur Þór háseti á Keili II AK sendi mér ansi góða lýsingu á því hvernig dagurinn varð og leit dagurinn svona út.

þá vil ég segja þér frá því
að samanlagður afli Keilis AK 4 úr róðinum 24.mars var 32.295 kíló.  Já rúm 32
tonn, við lönduðum reyndr þrisvar því stutt var í land.  Bara svona til
hægðarauka komum í land fyrst um hádegi með rúm 14 tonn úr 3 trossum aftur um
níuleitið um kvöldið með rúm 11 tonn úr 2 trossum og svo kl 1.30 um nóttina með
um 7 tonn úr síðustu trossuni samtals viktaði þetta 32tonn 295 kíló úr þessum
róðri. Bara þokkalegt það hjá þremur köllum ekki satt.
þess má geta að þessi afli var í 70 net.

Flott lýsing og svo endar hann á skemmtilegri línu.
(ég held að frysti togari hafi vinnslugetu upp á um 30 tonn á sólahring og þar
eru 24-30 kallar um borð hahahaha...)