Mynd Freyr Jónsson.  Færi ég honum bestu þakkir fyrir.

Strákarnir á Sæþóri EA eru mjög ánægðir á þessari mynd sem Freyr sendi mér .  Og mega þeir vel við því.  þarna er báturinn á landleið með 24 tonn sem þeir fengu í einni sjóferðinni og ekki nema 70 net. 
Sæþór EA er búinn að fiska ansi vel núna undanfarið og á nýjasta netalistanum þá er báturinn kominn í annað sætið og núna er bara Bárður SH eftir.
Nánar um aflann hjá Sæþóri er þannig að í síðustu 5 sjóferðum sínum þá er báturinn búin að fá 76,6 tonn og þar af komist tvisvar yfir 20 tonn í einni sjóferð. 

Hann er reyndar ekki sá eini sem hefur fiskað vel.  og skal ég nefna 3 báta til viðbótar Sæþóri EA.  enn þeir eru Sæborg ÞH, Birta SH og Bárður SH og alla skal miða við 5 sjóferðir.

Bárður SH er búinn að fá 58,5 tonn í  5 ferðum.
Birta SH er með 59,8 tonn
Sæborg ÞH er með 59,4 tonn

Verður forvitnilegt að sjá hvort að Sæþóri EA takist að minnka bilið í Bárð SH því það er ennþá um vika eftir af mars.