Afmælisdagurinn.

Já síðan er orðin eins árs, var  það nánar tiltekið þann 31.okt núna síðastliðinn.

Forsaga.
Ja hún er ´nú ekki löng, ég var veikur í tæpa viku og var eitthvað farið að leiðast þófið, og datt því í huga að stofna síðuna,  hafði reynar enga mynd í huga mér hvernig hún ætti að vera, því ég hafði t.d ekki mikið magn af myndum eins og Hafþór, Þorgeir og Jón Páll eiga.  Enn ég hafði aflatölur og útreikninganna varðandi listann í Fiskifréttum.

Aðsókn.
Í fyrstu þá voru ekki margir sem inná síðuna fóru, enn hefur aukist jafn og þétt, og hafa alls tæplega 76000 manns komið á síðuna frá byrjun, og ég er mjög ánæður með það.
Og það gleður mig mikið að síða sem að mestu byggir á aflalistum skuli vekja jafn mikla athylgi og síðan gerir.

Listarnir.
Í fyrstu þá voru engir listar, enn fyrsti listinn var um afla Frystitogaranna fyrir október árið 2007.  Frystitogaralistinn hefur verið ansi erfirður viðureignar, í fyrstu var hann bara með aflatölunum.  Þá strax voru margir sem höfðu samband við mig um að hafa úthaldsdaganna með.  Það hefur reynst mjög erfitt í höndum að reikna þá.  Enn menn vildu meira og nú kom ansi mikil krafa um að setja aflaverðmætistölur með.  Og núna síðustu tveir listar þá voru aflaverðmætistölur með.  Reyndar eru þær áætlaðar.
Á vertíðinni þá var netabátnum gerð mjög góð skil, og var listinn uppfærður tæplega 40 sinnum.   Smábátalínubátarnir er sá listi sem lengst hefur verið á síðunni, og var smá breyting var á honum núna í haust þegar smábátarnir undir 10BT, voru teknir á sérlista, enn þó með stóru bátunum
Dragnótalistinn kom í mai. og færabátarnir voru í sumar á tveimur listum.
Núna í okt þá kom nýjasta viðbótin enn það var Botnvörpulistinn, enn hann samanstendur af trollbátnum og ísfiskstogurunum og inní þeim hópi eru 3 og 4 mílna skipin.

Umsagnir:
Í fyrstu voru þær ansi fáar og oftast engar, enn þó hafa komið skorpur og helst hefur verið á krókabátalistanum sem ansi mörg skot hafa fengið að fljúga.  Mest var það núna í september enn alls 46 umsagnir voru skrifaðar, og margar ansi harðorðaðar.  Enn hægt er að lesa þær hérna. http://www.aflafrettir.com/blog/record/287715/. 

Framtíðin:
Það eru margar hugmyndir sem ég er með varðandi síðuna, og flestar þær eru nokkuð stórar.  Ein er spurninginn hvort síðan ætti að vera .is síða.  Það er reyndar mun dýrara dæmi heldur enn .com, og ýmislegt fleira sem ekki er rétt að fara útí núna.  Reyndar mun síðan lítið breytast á næstunni, enn helst verður breyting gangvart listunum.  Sú fyrsta byrjar núna í nóvember enn þá verður smábátunum undir 10 BT skildir frá stóru línubátunum, og jafnframt verður sá listi stækkaður upp í 20 báta. 
Þó svo að listarnir séu meginuppistaðan í síðunni þá er ýmislegt sem ég hef ekki komist í að fylgjast með.  t.d annar afli og þá á ég við rækjuna, plógs og gilduveiðarnar og stóru línubátarnir. 
Enn síðan er áhugamál hjá mér og það fer mjög mikill tími í hana, og ég á erfitt með að bæta miklu við mig varðandi síðuna, því það verður allt að hanga saman, vinna mín, fjölskylda og síðan.
Allavega vertíðinni er framundan og verður fylgst með henni á aðeins öðruvísi hátt heldur enn var gert í fyrra.


Áskrift:
Þónokkrir hafa komið að máli við mig varðandi þá hugmynd að gerast áskrifendur að síðunni, það hefur hingað til ekki verið hægt. enn núna stendur það til boða fyrir þá sem áhuga hafa á því.  Þeir sem áhuga hafa á því er bent á að hafa samband annaðhvort í gengum netfangið mitt eða þá gsm símann minn.

Að lokum vil ég þakka öllum þeim sem hafa látið síðunni í tjé myndir til birtinga á síðunni.