Kanski einna þekktstu systurskipin eða systurbátarnir voru bátalónsbátarnir svokölluðu, er ég þá að tala um eikarbátanna.  Ég man sjálfur mjög vel eftir þeim á vertíð í Sandgerði því þeir voru ansi margir.  Sjá hversu minnugur ég er.  þeir bátar sem ég man eftir sem t.d réru frá Sandgerði voru t.d.  Margrét HF, Máni HF, Knarranes KE, Óskasteinn ÁR og svo þeir tveir sem voru hvað þekktastir. Fram KE og Sóley KE.

Nóg um það.  Á Rifi var núna í ársbyrjun keyptur aftur til landsins Tjaldur II sem er systurskip Tjalds SH.  Tjaldur II SH heitir  í dag Örvar SH.

Tjaldur SH hefur frá áramótum fiskað ívið meira heldur enn Örvar SH, og munaði t.d rétt tæpum 400 tonnum á þeim á vetrarvertíðinni.

Núna í maí má segja að bilið hafi sjaldan verið eins mikið.  Örvar SH er búinn að landa í 4 skipti alls 144 tonnum, eða 36 tonn í löndun.  Mest 45 tonn.

Tjaldur SH aftur á móti er búinn að landa 5 skipti alls 314 tonnum, eða tæp 63 tonn í löndun.  Mest hefur Tjaldur SH komist í 87 tonn í einni ferðinni.

Finnst mér þessi aflamunur á systurskipunum all svakalega mikill