Reglur Síðunnar
Heimilt er að nota efni af síðunni.1.Geta verður heimildar, þannig að heimildin sé jafnframt tengill inná www.aflafrettir.com
2. Bannað er að taka einstaka lista og birtar annarstaðar. en nota má efni úr listunum í fréttir
28.05.2008 07:51
Lúðuveiðar
Nokkur undanfarin sumur þá hafa fáeinir bátar lagt sig í það að stunda lúðuveiðar á línu. Helst hafa þetta verið stórir bátar, eins og Dúa AH , ( fyrrum Hafnarberg RE), Litlaberg ÁR og Fagurey HF. Smábáturinn Ólafur HF hefur einnig bæst í hópinn.
Núna í mai þá er ég með vitneskju um tvo báta sem hfa stundað lúðuveiðarnar. Það sem er kanski merkilegt við þá tvo báta er að báðir eru smábátar. Geirfugl GK er búinn að fara eina ferð og kom með tæp 3.9 tonn. Ólafur HF er búinn að landa tvisvar rúmum 9 tonnum. Mest hefur Ólafur HF komist í tæp 6 tonn í róðri.
Mjög gott verð hefur fengist fyrir lúðuna og ef litið er á meðalverð á lúðu síðust 7 daga, sem er í kringum 550 krónur. Þá var aflaverðmæti Geirfugls GK 2.1 milljón fyrir einu löndun bátsins á lúðu.
Aflaverðmæti Ólafs HF er þá komið í 4.9 milljónir. Reyndar landaði Ólafur HF slatta af lúðu í apríl og því má áætla að aflaverðmæti hans sé komið yfir 6 milljónir einngis á lúðu.
Þessir tveir bátar fá félagsskap á næstunni því verið er að undirbúa Gunnu Betu RE á veiðarnar. Gunna Beta RE hét áður Hafgeir HU. Er sá bátur nokkru minni heldur enn hinir tveir sem áður eru nefndir.
Skrifað af Gísli.R
