Já hvaða sumarvertíð.?.  Hér á landi eru til alls konar af vertíðum.  Vetrarvertíð,  loðnuvertíð,  síldarvertíð og humarvertíð svo eitthvað sé tekið.  Núna uppá síðkasti hefur ein ný vertíð verið að skjóta nokkrum rótum hér á landi, og þá helst á Vestfjörðum.  Jú er að tala um sjóstangarvertíðina.

Núna í Maí þá má segja að sjóstangarbátarnir séu komnir á fullt.  Gera þeir út frá Súðavík,  Suðureyri, Flateyri og Tálknafirði. Mikið líf fylgir þessum veiðum, og teygist vinnan frá vestfjörðum og hingað yfir á suðvesturhornið.  Því þónokkur keyrsla fylgir sjóstangarveiðimönnunum,  og hefur rútufyrirtækið Teitur séð um þá keyrslu hérna suðvestanlands.  

Allavega það sem af er maí þá eru kominn á land tæp 37 tonn af fiski, er það mestmegnis þorskur,  einnig nokkuð af ýsu og steinbít.  Mest virðst veiðin vera hjá bátunum sem róa frá Suðureyri.  Mesti afli á bát þar er tæp 700 kíló eftir daginn, og verður það að teljast nokkuð mikill afli.

10 efstu bátarnir sem komið er í maí eru eftirfarandi:

1.   Bobby 6 ÍS         3,129          9

2.   Bobby 3 ÍS         2,833          9

3.   Bobby 11 ÍS       2,827          7

4.   Bobby 16 ÍS       2,214          12

5.   Stuttnefja BA      2,186          12... Rær frá Tálknafirði.

6.   Bobby 9 ÍS         2,139           9

7.   Bobby 7 ÍS         1,942           8

8.   Langvía BA         1,899          11.  rær frá súðavík

9.   Bobby 1 ÍS           1,874         8

10. Már BA                1,537          9.  rær frá Tálknafirði.

Að lokum má geta þess að á fiskistofuvefnum er kominn nýr flokkur sem skilgreinir veiðarfærin, og er það einfaldlega sjóstöng.  Bátarnir voru nefnilega alltaf skráðir sem handfærabátar.