Núna í dag eru togararnir orðnir ekki nema rétt um 20 talsins sem eftir eru.  Af þessum 20 togurunum eru nokkrir sem fá að stunda veiðar að 4 mílum, og má þar nefna Suðurey VE, Gullberg VE, Berg VE, Sóley Sigurjóns GK bæði nýja og gamla togaranna. Berglín GK.

stærstu landanir þessara togara hafa verið um og yfir 100 tonnin, flestar landanir hjá þeum eru þó á bilinu 75 til 90 tonn.  

Núna uppá síðkastið þá hafa verið að koma til landsins nokkrir nýir TROLLbátar, má þar nefna.  Vörð EA, Bergey VE, Vestmannaey VE og Dala Rafn VE.  Og er ný Helga RE á leiðinni.  Stærstu landanir þessara skipa hafa verið frá 75 tonni og uppí 95 tonn.  

til að mynda þá er stærsta löndun Bergey VE um 94 tonn núna í apríl.  

það eina sem skilur þessi skip frá litlu togurunum eru það að nýju TROLLbátarnir eru allir sniðnir að 30 metrunum. Enn  hafa líklegast sömu burðargetu og litlu togarnir, sem þó eru lengri.  Er þá ekki rétt að kalla þessa nýja Trollbáta sem Togara.???.

Ástæða þess að ég hef verið að velta þessu fyrir mér er sú að ég hef séð um að reikna saman bæði togara og trollbáta fyrir aflalistanna í Fiskifréttum.  Eins og sjá má á þá er burðargeta þessara skipa ekki svo ósvipuð og því hef ég verið að hugsa um að taka þá Trollbáta sem eru með svipaða burðargetu og litlutogarnir, t.d þeir sem eru með yfir 70 tonna burðargetu og flokka þá sem togara.  þótt að þeir flokkist ekki þannig.  

Til að mynd í mars þá fóru tveir Trollbátar yfir 500 tonna heildarafla. það þykir ansi góður afli, og miðað við togara þá þykir það mjög góður afli.  

þau skip sem myndu þá falla inní þessa nýju flokkun mína myndu þá verða eftirfarandi

Vörður EA

Vestmannaey VE

Bergey VE

Steinunn SF

Hringur SH

Dala Rafn VE

nýja Helga RE

Reyndar eru Smáey VE og Frár VE þarna rétt undir enn þeir hafa mest komið með á milli 60 og 68 tonn.