Það er búið að vera ansi döpur veiði hjá línubátum sem róa á svæðinu frá Reykjavík og suður um til Grindavíkur.  Núna síðstu 5 daga hefur heldur betur gengið vel hjá bátunum og hafa margir þeirra komið með mjög stóra landanir.
Lítum á nokkra.

Þórkatla GK var með 21 tonn í 4 ferðum, mest 7,5 tonn, báturinn landaði í Hafnarfirði og í Sandgerði.

Hópsnes GK var með 27 tonn í 4 ferðum, og eins og Þórkatla GK þá landaði báturinn fyrst í Hafnarfirði og síðan í Sandgerði.  Þar kom Hópsnesið GK með 11,6 tonn og af því var þorskur 8,2 tonn.

Óli Gísla GK var með 14 tonn í tveimur ferðum, mest 7,1 tonn.

Sama dag og Hópsnesið GK kom með tæpu 12 tonnin sín þá kom Daðey GK til Sandgerðis með 10,1 tonn, þar af var þorskur tæp 7 tonn. Reyndar þá gerði Daðey GK enn betur deginum eftir þegar hann kom til hafnar með 12,8 tonn.  tæp 23 tonn í tveimur ferðum. 

Hildur GK var með 12 tonn í tveimur ferðum mest 7,2 tonn.

Skoða má nánar stöðuna hjá krókabátnum í nýuppfærðum lista sem kemur hérna á síðuna í dag.