Aflabrögð dragnótabáta við snæfellsnes í janúar voru nú ekkert til að hrópa húrra yfir.  undir lok janúar þá kom ansi gott skot ef þannig má að orði komast og þónokkrir bátar komu með fullfermi að landi.
þeir helstu sem komu með stóra róðra undir lok janúar voru:
Esjar SH kom með 11,8 tonn þann 28 janúar og í síðustu 3 róðrum janúar þá landaði Esjar SH samtals tæp 23 tonnum eða 7,7 tonni í róðri
Steinunn SH. komst mest í tæp 13 tonn og í síðustu 2 róðrum í janúar landaði Steinunn SH 19,3 tonnum eða tæp 9,7 tonn í róðri
Matthías SH  átti næstastærsta róðurinn þegar hann landaði 16,9 tonni.  í 3 ferðum kom báturinn með 27,8 tonn eða um 9,3 tonn í róðri
Rifsari SH fór tvisvar yfir 10 tonn í róðri og mest í 11,8 tonn,  í síðustu 3 ferðum sínum í janúar landaði báturinn 28,9 tonn eða 9,6 tonni í róðri.
Gunnar Bjarnarsson SH átti stærstu löndunina 17,1 tonn þann 30 janúar, báturinn varð jafnframt aflahæstur þessa 3 daga með 30,3 tonn í 3 ferðum eða 10,1 tonn í róðri. 
Gunnar Bjarnarsson SH gerði þótt gott betra þar sem báturinn varð aflahæsti dragnótabátur við snæfellsnes með tæp 96 tonn, og skipar það honum ansi ofarlega á dragnótalistann yfir alla báta landsins.