mynd:Gísli Reynisson
Þegar það lá fyrir að þorskkvótinn myndi verða skertur eins mikið og var síðan, þá varð ansi þungt hljóðið í mörgun útgerðarmönnum.  Flestir töldu að núna þyrfti helst að reyna að forðast þorskinn og hafa hann bara sem meðafla.
    Nokkrir smábátar bæði á svæðinu frá Akranesi og yfir til Sandgerðis hafa einbeitt sér að ýsuveiðum og að hafa þorskinn sem minnstan í aflanum, og hefur þeim gengið nokkuð vel, þegar hefur gefið á sjó.
Ef litið er aðeins á smábátanna, og byrjað þá á þeim bátum sem eru stærri enn 10 brúttótonn(BT),  þá er Svalur BA (7474) sem gerir út frá Reykjavík komin með 26,5 tonn í 8 ferðum og af því er ýsa 23,9 tonn eða tæp 90% aflans.
Staðarvík GK ( sem myndin er af) er í eigu stakkavíkur í Grindavík, hefur báturinn verið gerður út frá Hafnarfirði, er báturinn kominn með 22,4 tonn og af því er ýsa 20,1 tonn eða tæp 90% af aflanum. 
af minni bátunum (þ.e.a.s bátum undir 10BT) þá er Katrín KE sem landar í Sandgerði og í Keflavík kominn með 9,4 tonna af ýsu af 12 tonna afla, eða rúm 78% af aflanum sem er ýsa.
Elín Kristín GK sem hefur landað einnig í Sandgerði og í Keflavík er komin með 6,4 tonn af ýsu af 7,7 tonn afla eða 83% af aflanum
og að lokum Margrét ÍS sem gerir út frá Akranesi, báturinn er kominn með 6,4 tonna afla og af því er ýsa tæp 5,7 tonn eða 88% af aflanum.