Listi númer 4.

Gulltoppur GK byrjar strax eftir jólinn á fullu og var með 21 tonn í 3 ferðum.  Kristinn SH er í fríi fram yfir áramót,  þá byrjar slagurin milli Kristins SH og Gulltopps SH.
Ásta GK var með 10 tonn í 3 ferðum og Hafdís GK landaði einu sinni.

Hvar róa bátarnir.
Kristinn SH var á skagaströnd enn er kominn í Ólafsvík
Gulltoppur GK er á skagaströnd.
Kristrbjörg HF er á Rifi
Þórsnes II SH var á húsavík
Valur ÍS á Súðavík
Ásta GK og Hafdís GK í Sandgerði

Lítum yfir nóvember.

Dragnótabátur Nóvembers.
Geir ÞH. Eins og vanalega þá var mesta fjörið á þessum lista, ansi margir voru í efsta sætinu og enginn var þar fastur fyrir.  Geir ÞH var búinn að vera viðloðandi efstu sætin og náði svo efsta sætinu undir lokin, og þar með er Geir ÞH búinn að vera hæstur 5 mánuði á þessu ári.  Sem er mjög góður árangur.

Botnvörpungur Nóvembers:
Klakkur SH.  Att kappi við Ottó N Þorláksson RE og hafði betur á lokasprettinum.  Það eitt og sér er kanski ekki það merkilegasta því Klakkur SH mokveiddi af þorski og er eitt fárra skipa sem má einbeita sér að þorski.  tæp 600 tonna nóvembersafli er mjög góður árangur.

Netabátur Nóvembers:
Erling KE,  Það er ekki hægt að horfa frammhjá bátnum,  enn mokveiðinn hélt áfram hjá honum, og ekki ólíklegt að Erling KE hafi sett íslandsmet með haustafla sínum.

Smábátur nóvembers yfir 10 BT.
Ragnar SF.  átti efsta sætið og svo til enginn ógnaði honum.  var ekki langt frá því að slá aflamet Karólínu ÞH síðan í fyrra.

Smábátur nóvembers undir 10 BT.
Snjólfur ÍS,  Það er ekkert heilagt í þessu.  Einar Hálfdáns ÍS var búinn að einoka þennan lista frá því í maí þegar báturinn byrjaði að róa.  Snjólfi ÍS tókst að verða hæstur núna í nóvember og að auki varð báturinn 18 aflahæsti smábáturinn í nóvember.

Listi númer 5.

Bjartur NK bætist í 500 tonna flokkinn, og Vestmannaey VE er orðinn aflahæsti trollbáturinn, enn Vestmannaey Ve landaði 99 tonnum undir lok nóvmber.  

Þorsteinn ÞH er ekki búinn að vera á síld eins og flest öll önnur skipin , heldur er Þorsteinn ÞH búinn að róa með troll og er því á þessum lista.

Skipin eru flokkuð í nokkra flokka, og eru þeir sundurgreindir með litum.
þeir flokkar sem eru í gangi eru eftirfarandi:
Ísfiskstogarar eru í þessum lit.

3 Mílna skipin eru í þessum lit

4 Mílna skipin eru í þessum lit
.. 
   

Stóru línubátarnir hafa ekki verið á lista hérna á síðunni þótt ég reikni þá útaf listanum í Fiskifréttum. 
Sighvatur GK er búinn að fiska ansi vel núna í nóvember.  Reyndar svo til ævintýralega vel.

Þetta byrjaði þann 5. 11 þegar báturinn kom til hafnar á Þingeyri með alls tæp 112 tonn, og var þorskur 86 tonn og ýsa 23 tonn.

5 dögum síðan landaði báturinn á Hólmavík, sem er mjög svo óvenulegur staður fyrir stóru línubátanna enn þeir hafa ekki lagt leið sína þangað til löndunar, þar var Sighvatur GK með 95 tonn og var þorskur þar af 73 tonn.

15. nóv var aftur landað á Þingeyri og núna var landað þar 111 tonnum og var þorskur 97 tonn af því, 

á Þingeyri var landað þann 21 og var aflinn núna 102 tonn og var þorskur  79 tonn og karfi 13 tonn.

og síðasta löndunin var á Þingeyri og var aflinn þá 97 tonn og var þorskur 77 tonn.

Aflinn alls núna í nóvember er því kominn í 517 tonn, sem er ansi gott, enn það er ekki mikið um það að ´stóru línubátarnir fari yfir 500 tonn á mánuði, það  kemur þó fyrir af og til.

Listi númer 13.

Ekki náði Ragnar SF metinu sem Karólína ÞH á, enn er þó ekki langt frá því.  og Dögg SF tókst að halda öðru sætinu þrátt fyrir önnur ummæli, 
Það má svo sem skrifa þennan lista sem lokalista, enn þó eru nokkrar tölur eftir aðkoma. t.d fra´Gísla Súrsyni GK sem landaði á drangsnesi undir lok nóvember.
Sirrý ÍS bættist í 100 tonna hópinn, og er Happadís GK þar rétt undir, enn hún er enga skráða löndun með á sig núna síðustu daganna í nóvember.
Mjög góður afli var hjá SH bátunum undir lokin og var t.d Tryggvi Eðvars SH með tæp 15 tonn í 3 ferðum, Kvika SH 13 tonn í  3ferðuim og Landey SH 12 tonn í 2 ferðum.

Færi fréttina um Odd og Narfa VE undir könnunina sem er hérna á síðunni til þess að menn geti betur tengt umræðuna sem er hérna undir fréttinni, við spurninguna í könnunni.

Myndin af Narfa VE. Gísli Hjartarsson. færi ég honum bestu þakkir fyrir. 

Þá er það komið í gegn.  Oddur Sæmundsson netakóngur með meiru hefur keypt Narfa VE.  Narfi VE hét fyrst Bára SU og var þá smíðaður fyrir útgerðamannin Árna Stefánsson.  Árni lést þann 21.október árið 1980.  Árni átti þar á undan bát sem hét Stefán Árnasson SU.  Réri Árni bæði á Stefáni Árnasyni SU sem og á Báru SU alltaf á vertíð frá Vestmannaeyjum. 

Oddur hefur nokkuð látið til sín taka núna í ár þótt að hann hafi ekki átt neinn bát til að róa á.  Ufsaveiðimokið sem hefur verið hjá Erling KE hefur að hluta verið Oddi að þakka. enda var hann með bátinn um tíma.  Myndin af Magga Jóns KE er þegar hann kom að landi með 20 tonn á vertíðnni núna í vetur.  Oddur var einmitt með bátinn í þessum túr, enn Oddur var með Magga Jóns KE að hluta á vertíðinni 2008.

Það verður mikill fengur að fá Odd aftur í slaginn með netabátunum og nú er bara spurning hvort sé ekki hægt að kalla fram hinn netakónginn sem var á sínum tíma oft í harðri keppni við Odd um aflasætið.  að sjálfsögðu er ég að tala þarna um Grétar Mar Jónsson sem lengst af var með Sæborgu RE  og seinna  meir með Berg Vigfús GK.