Aflafréttir og fleira
Aflatölur hafa verið hluti af lífi mínu síðan ég var 12 ára gamall. Síðan byggist fyrst og fremst á aflalistum og svo myndum. Heimilt er að nota efni af síðunni þó eru 2.reglur. 1.Geta verður heimildar, þannig að heimildin sé jafnframt tengill. 2. Bannað er að taka einstaka lista og birtar annarstaðar. en nota má efni úr listunum í fréttir
Auglýsingapláss/styrkarlínur
auglýsingaplásstil
sölu,
og eða styrkarlínur.
Styrkja Síðuna
Styrktarreikningur síðunnarkennitala. 2008753709
bankabók.0142-05-001072
Eldra efni
Um Mig
Nafn:
Gísli ReynissonFarsími:
6635575Tölvupóstfang:
gis@rafpostur.isAfmælisdagur:
20. ágústHeimilisfang:
Kirkjuvegur 15Staðsetning:
ReykjanesbærHeimasími:
4217585Um:
Vinn hjá Hópferðum Sævars. Þeir sem vilja styrkja mig varðandi síðuna þá er bankanúmer hérna fyrir neðanBankanúmer:
0142-05-001072
Flettingar í dag: 205
Gestir í dag: 75
Flettingar í gær: 2875
Gestir í gær: 412
Samtals flettingar: 1234941
Samtals gestir: 312045
Tölur uppfærðar: 7.9.2010 03:40:49
Blogg
31.8.2008
Grímsey ST
Mynd Alfons Finnson. færi ég honum bestu þakkir fyrir.
Á Dragnótalistanum núna í ágúst þá hefur líklegast ekki farið frammhjá neinum sem fylgst hafa með þeim lista að þar hefur Grímsey ST verið að fiska ansi vel. Er svo komið núna að Grímsey ST er fimmti báturinn sem yfir 100 tonnin fer og ágúst er ekki búinn.
Á listanum þá var Grímsey ST fyrst í hópi með t.d Hafrúnu HU, Reginn HF og Egil ÍS. Er Grímsey ST búinn að slíta sig frá þeim og er kominn í hóp með þeim 4 efstu sem eru búnir að vera þar allan ágúst mánuð.
Ég reiknaði saman alla ágúst mánuði sem ég gat aftur í tímann og svo virðst vera sem þessi ágústmánuður sé einn sá stærsti í útgerðarsögu Grímseyjar ST. Ég get nú reyndar ekki fullyrt um að þessi ágústmánuður sé sá stærsti í sögu bátsins, því báturinn hefur heitið ansi mörgum nöfnum og verið gerður út á mjög svo mörg veiðarfæri. Áður enn báturinn fékk Grímseyjar nafnið þá hét hann Auðbjörg II SH, og voru Auðbjörg SH og Auðbjörg II SH mjög afskapamiklir dragnótabátar frá Ólafsvík.
Allavega þá lítur samanburður fyrir ágúst svona út.
árið 2001 þá réri Grímsey ST á rækju og fékk 19,7 tonn í 4 ferðum
árið 2002 aftur á rækju og fékk 29,8 tonn í 4 ferðum, mest 11,2 tonn.
árið 2003 var báturinn á dragnót og fékk 5,9 tonn í 6 ferðum
árið 2004 var báturinn á dragnót og fékk 44,1 tonn í 10 ferðum,mest 8,5 tonn
árið 2005 á dragnót og fékk 58,2 tonn í 10 ferðum mest 10,8 tonn.
árið 2006 á dragnót og landaði alls 61,6 í 15 ferðum mest 10,5 tonn
árið 2007 á dragnót og landaði 29,2 tonni í 15 ferðum.
Eins og sést á þessum samanburði mili áranna þá er aflinn núna í ágúst mok miðað við hina mánuðina, og greinilegt að þótt að báturinn sé orðinn 53 ára gamall þá er hann í mjög svo góðu standi, því ekki fiskast á bát sem sífellt er við bryggju.
Ef strákarnir á Grímsey ST eru á þessari síðu þá vil ég óska þeim til hamingju með góðan ágúst mánuð.
28.8.2008
Handfærabátar ágúst
Færa listi númer 3.
Enn kemur nýr handfæralisti eftir því sem ég fer lengra og lengra í skipaskrárnúmerin. núna koma ansi margir bátar inn , og þar á meðal Konráð EA sem er nú ekki svo langt frá því að ná efsta sætinu. 3 efstu bátarnir eru allir frá Grímsey .
og af þeiim bátum sem yfir 20 tonn eru komnir þá eru þeir allir frá annaðhvort Grímsey eða Dalvík, nema Birta Dís ÍS báturinn hefur landað bæði í þorlákshöfn og vestmannaeyjum og Birta Dís ÍS gerði sér lítið fyrir og kom með 8.7 tonn að landi í einni ferðinni. Annar bátur frá Vestmannaeyjum er komin á listann, enn það er Petra VE, og hefur hún komist mest í 6.2 tonn.
| Sæti | Nafn | Afli | Róðrar | Mest |
| 1 | Kolbeinsey EA | 37.174 | 11 | 3.8 |
| 2 | Konráð EA | 36,683 | 12 | 5,3 |
| 3 | Sigrún EA | 30,64 | 16 | 2,8 |
| 4 | Bliki EA | 25,933 | 6 | 6,6 |
| 5 | Jaki EA | 25,738 | 12 | 4,1 |
| 6 | Birta Dís ÍS | 21,561 | 8 | 8,7 |
| 7 | Fríða EA | 20,941 | 7 | 4,1 |
| 8 | Sævar SF | 19,806 | 5 | 6,4 |
| 9 | Magga SU | 16,044 | 8 | 2,8 |
| 10 | Helgi Hrafn ÓF | 15,36 | 9 | 4,5 |
| 11 | Fanney EA | 13,969 | 7 | 2,8 |
| 12 | Laugi ÞH | 13,484 | 10 | 2,3 |
| 13 | Emilý SU | 12,711 | 5 | 3,7 |
| 14 | Bjartur í Vík HU | 11,348 | 4 | 4,4 |
| 15 | Petra VE | 11,231 | 5 | 6,2 |
| 16 | Krókur SH | 11,011 | 11 | 2,2 |
| 17 | Norðurljós ÍS | 10,597 | 6 | 3,9 |
| 18 | Víkingur ÞH | 10,23 | 15 | 1,8 |
| 19 | Sif SH | 10,118 | 6 | 2,1 |
| 20 | Anna ÓF | 10,068 | 10 | 2,5 |
| 21 | Sindri BA | 9,993 | 6 | 2,7 |
24.8.2008
um Síðuna
Langar að koma með smá útskýringar á því hvernig meðal annars ég finn einstaka róðra og fleira hjá bátunum. Frá því ég hóf að gera aflalistanna í Fiskiréttum þá til þess að finna bátanna og raða þeim eftir veiðarfærum ásamt því að geta fundið stærsta róður hvers báts.
Til þess að geta gert allt þetta og meira til þá fyrir hvern mánuð þá renni ég í gegnum öll skipaskrárnúmer sem eru á landinu. til að menn átti sig á hversu mikill fjöldi þetta er þá eru þetta alls 10 blaðsíður og fjöldinn er alls um 1660. bátar.
hversu langan tíma tekur þetta?
ja þetta er ekki mælt í klukkustundum frekar nokkrum dögum.
Núna t.d þá hef ég byrjað aftast og unnið mig upp, til þess meðal annars að finna handfærabátanna, enn þetta snýst við á veturnar þá byrja ég efsta þ.e.a.s á fyrsta númerinu.
borgar þetta sig?
því er erfitt að svara, þetta hefur allt byggst á áhuga mínum á aflatölum sem var í fyrstu að safna saman aflatölunum aftur í tímanna, síðan bættist við vinnan fyrir Fiskifréttir.
Síðan www.aflafrettir.com, var stofnuð einmitt útaf þessum blöðum. því ég þarf hvort sem er að renna í gegnum þau hvern mánuð og listarnir sem eru á síðunni koma hvort sem er í Fiskifréttum, Þannig að þetta vinnur nokkurn veginn saman.
afhverju set ég þetta fram hérna?
jú á handfæralistanum þá var spurt hvort það vantaði ekki Blika EA og Fríðu EA. ég vissi um þá báta, enn ákvað að renna í gegnum númerin til að finna hina. þessir tveir bátar sem og aðrir koma,
Vona að þetta útskýri eitthvað.
22.8.2008
Fullfermi hjá Helga Hrafni ÓF
Mynd Ragnar Pálsson . færi ég honum bestu þakkir fyrir.
Einn af þeim handfærabátum sem er búinn að gera það mjög gott núna í sumar er Helgi Hrafn ÓF. sem þrátt fyrir að vera skráður frá Ólafsfirði þá er báturinn búinn að vera að róa frá Sandgerði í sumar, og hefur gengið mjög vel. t.d var báturinn 3 aflahæsti handfærabáturinn í júní, og 7 hæsti í júlí. núna það sem af er ágúst þá hefur veiði verið þokkaleg hjá bátnum.
Þokkalega fyrir utan einn róður. því í byrjun ágúst þá kom báturinn með stærsta handfæraróður sinn á árinu. var landað úr bátnum alls 4.5 tonni, og af því var ufsi 4.3 tonn. Reyndar eru tvær landanir skráðar á bátinn þennan dag sem er 8 ágúst, enn spurning hvort það sé villa í skráningu.
Engu að síður er 4.5 tonn á þenna litla bát sem er ekki nema 6 BT, mjög góður afli, Fullfermi??. já ég myndi segja það
22.8.2008
Fróði II ÁR
Mynd Gísli Reynisson
var í Þorlákshöfn um daginn og sá þá að búið var að mála nýja Fróða II ÁR. lítur hann þónokkru betur út núna heldur enn þegar hann kom fyrst til landsins.
21.8.2008
Muggur KE úr leik.
á síðunni www.sksiglo.is
Muggur KE sem er nýsmíði og er rétt svo búinn að fara í 7 ferðir frá Siglufirði, lenti í því núna á afmælisdeginum mínum að sigla á rekaviðardrumd með þeim afleiðingum að stýrisbúnaður, skrúfa, öxull og festingar eru ónýt
Nánar má lesa um þetta á http://www.sksiglo.is/news/mikid_hogg/
Ansi dapurt og ljóst er að báturinn verður frá veiðum í þónokkurn tíma. Enn það er þó kanski bót í máli að gamli Muggur GK er í keflavík og líklegast má telja að honum verði því róið aftur.
Þessmá svo geta að á vefsíðunni www.sksiglo.is þá er myndasyrpa af Gísla Súrssyni GK koma til hafnar þar með tæp 14 tonn.
að lokum má svo bæta við að núna er Von GK kominn til siglufjarðar, enn báturinn er búinn að vera frá veiðum mest allt sumar vegna þess að báturinn silgdi á grjótgarðinn í Sandgerðishöfn, enn sá bátur var tekinn í viðgerð hjá Sólplasti í Sandgerði, enn þar var einmitt Muggur KE smíðaður.
20.8.2008
hin nýja Ósk KE ????
Mynd Gísli Reynisson
Undanfarna daga hefur Örvar II SH legið í höfninni í Sandgerði. Báturinn er reyndar nafnlaus þar sem búið er að taka alla stafi af honum nema það sem sést á myndinni.
Spurninginn sem ég velti fyrir mér var sú hvort Einar á Ósk KE væri búinn að kaupa Örvar II SH. Örugglega nokkuð góður bátur á netaveiðarnar.
Nei reyndar er þetta ekki nýja Óskin KE. samkvæmt síðunni hjá Hafþóri þá er þarna um að ræða nýja Kristbjörgu sem verður líklegast SK eða HU, enn samkvæmt síðunni hans þá á að gera bátinn út á línu frá Skagaströnd.
Afhverju Sandgerði??. Gamla Kristbjörgin ( 1159) var um tíma í Sandgerði og var þá í breytingum, enn skutnum var breytt svo hann myndi hæfa dragnótaveiðum betur. Var þar að verki Vélsmiðja Sandgerðis. Líklegast má telja að sama vélsmiðja sé að vinna við breytingar á bátnum núna.
20.8.2008
20.Ágúst
merkilegasti dagur ársins??. ekki spurning. stærstur hluti skóla byrjar í dag, og bókabúðir græða á tá og fingri. Nokkrir eiga afmæli þennan dag og er ég einn af þeim. Reyndar fagna ég deginum veikur, sem er mjög skemmtilegt eða þannig.
18.8.2008
Ósk KE, Valgerður BA og Egill ÍS
Myndir. Efsta myndin er frá Arnóri Jónssyni tekinn af Ósk KE á leið til hafnar í Sandgerði í vetur.
Ingólfur Þorleifsson sendi mér myndina af Valgerði BA koma til hafnar á suðureyri með 10 tonna afla.
og næstur tvær myndir þar á eftir eru frá Grétari Þór Sæþórssyni. Egill ÍS og Valgerður BA að veiðum útaf ingjaldssandi í önundarfirði.
13.8.2008
Aflahæsti togarinn árið 1965.
Eins og greint var frá hérna á síðunni varðandi togaranna árið 1965 þá fjallaði ég aðeins um Sigurð ÍS. Við þá grein þá setti ég fram þá spurningu um hvaða togari hafi verið aflahæstur það ár. Kanski var of langt spurt aftur í tímann, því aðeins eitt svar kom og það var reyndar það rétta. Togarinn Maí GK varð aflahæsti togarinn árið 1965.
Hérna í þessum pistli þá mun ég renna mánuð fyrir mánuð um togarann Maí GK.
Janúar: Togarinn landaði einu sinni alls 141 tonni.
Febrúar: Maí GK landaði tvisvar alla 411 tonnum eða um 205 tonn í róðri. Þess má geta að mestur hluti afla Maí GK allt árið 1965 fór til vinnslu hjá Bæjarútgerð Hafnarfjarðar. Að auki þá fór hluti af afla hvers túrs víða um suðurnesin og á höfuðborgarsvæðið, mestmegnis í fiskbúðir.
Mars: Togarinn landaði einu sinni alls 263 tonnum. Þótt þetta sé stór löndun þá telst þetta ekki fullfermi hjá Maí GK.
Apríl: Togarinn landaði tvisvar alls 493 tonnum eða 246 tonn í löndun. Nokkuð góður mánuður
Maí: Ef apríl var góður þá var Maí mánuður enn betri fyrir togarann. Því Maí GK landaði þrisvar sinnum alls 813 tonnum eða 271 tonn í löndun.
Júní: Hérna koma stóru róðrarnir, því Maí GK landað einungis tvisvar enn kom samt með að landi 658 tonn eða 328 tonn í löndun. Þetta myndi komast næst því að vera fullfermi hjá Maí GK
Júlí: Stærsti mánuður togarans og jafnframt sá mesti afli allra togara árið 1965 í einum mánuði það ár. Því Maí GK landaði alls 986 tonnum í einungis 4 ferðum eða 246 tonn í róðri.
Ágúst: Maí GK landaði eina löndun alls 262 tonn.
September : Ein löndun sem var landað erlendis alls 231 tonn.
Október: landað í þýskalandi alls 189 tonnum.
Nóvember: Einnig landað í þýskalandi alls 162 tonnum.
Heildarafli Maí GK árið 1965 varð því 4607 tonn í 19 ferðum eða 242 tonn í löndun. Þetta verður að segjast ansi góður afli í ekki fleiri löndunum. Og má bæta við að alls 33 togarar voru að veiðum árið 1965.
Að lokum má geta þess að hægt er að bera Maí GK saman við Sigurð ÍS með því að fara í "gömul tíð" sem er staðsett í flokkum hérna við hliðina.
11.8.2008
Árni ÞH 127
Mynd Hafþór Hreiðarsson. Færi ég honum besti þakkir fyrir.
Eins og eflaust menn hafa tekið eftir þá er núna á ágúst listanum yfir línubátanna bátur frá Húsavík inná honum sem heitir Árni ÞH. Hver er Árni ÞH?.
Hafþór sendi mér mynd af bátnum og verður nú að segja að þarna erum við að tala um að mínu mati mjög svo fallegan bát.
Árni ÞH var smíðaður á Akureyri þann 5 maí árið 1961 í skipasmíðastöð Svavars Þorsteinssonar.
Hét báturinn fyrst Hafræna EA 62, var hann undir því nafni fram í febrúar árið 1963, þá fékk báturinn nafnið Bára ÞH 127 frá Flatey.
Árni ÞH 227 kom á bátinn 1982, og svo breyttist það í Árni ÞH 127 árið 1985.
þessi bátur er 7,56BT eða 6,09 BR.
Ég verð nú að segja að það sé ákveðin heiður að hafa þennan öðling með á listanum og verður forvitnilegt að fylgjast með honum á listanum. Árni ÞH er einn af örfáum eikarsmábátum sem eru að róa á línu.
Þess má svo að lokum geta að ég á aflatölur um þennan bát þónokkuð langt aftur í tímann.
10.8.2008
Bárður SH kominn yfir 1000 tonn
Myndir Alfons Finnson. Færi ég honum bestu þakkir fyrir.
Efri myndin er af Inga Páls, Pétur Pétursson eldri og yngri, þar sem þeir skera í kökuna sem þeir fengu í tilefni af 1000 tonna markinu. Þess má geta að þetta er þá önnur kakan sem þeir fá. vegna þess að þeir fengu 500 tonna köku núna á vertíðinni.
Á vef skessuhorns. www.skessuhorn.is
segir frá því að netabáturinn Bárður SH sé kominn yfir 1000 tonn núna á þessi fiskveiðiári. Fréttina um Bárð SH má lesa nánar á vefsíðu skessuhorns sem ég setti inn hérna að ofan.
Þessi mikli afli kemur svo sem ekki á óvart. Þeir sem fylgdust með netalistanum sem var í gangi hérna á síðunni síðustu vertíð muna eflaust eftir því hvernig Bárði SH gekk. Bárður SH var þar í flokki með smábátum enn miðað við aflann hjá bátnum þá hefði hann átt að vera í flokki með netabátum yfir 50 BT, enn báturinn fiskaði tæplega helmingi meira heldur enn næsti bátur á eftir í sama stærðarflokki.
Núna t.d í júlí þá er Bárður SH langaflahæsti netabáturin á landinu og að auki aflahæsti smábáturinn. komst Bárður SH þrisvar yfir 10 tonn í róðri og mest í tæp 14 tonn.
Annars svona í framhaldi af netaveiðum Bárðs SH þá hafa flestir eflaust tekið eftir að ég hef ekkert fjallað um netaveiðar eftir að vertíð lauk. Núna í ágúst þá má segja að netabátunum hafi fjölgað nokkuð miðað við júlí og júní, og hugsanlega kem ég með netalista á síðuna.
Annars vil ég óska áhöfninni á Bárði SH til hamingju með þennan árangur.
10.8.2008
Skötuselsveiðar í Ísafjarðardjúpi
Efri myndin er tekinn af Hafþóri Hreiðarssyni og sú neðri af ÞorgeiriBaldurssyni. Færi ég þeim báðum bestu þakkir fyrir.
Netaveiðar hafa ekki verið mikið stundaðar frá vestfjörðum, svo til alveg frá því fyrst var byrjað að gera þaðan út. Í það minnsta í aflatölu grúski mínu þá var það kanski helst í mars og apríl sem bátar frá sunnanverðum vestfjörðum fóru á net. Og af þeim stöðum þá er Patreksfjörður líklegast þekktasti netaútgerðarstaðurinn á vestfjörðum. Þaðan gerðu út t.d aflaskipin Helga Guðmundsdóttir BA, Helgi Helgasson VE, Loftur Baldvinsson EA og Garðar BA, svo einhverjir séu nefndir.
Núna í sumar þá hefur í fyrsta sinn verið gert út á skötuselinn. Eru reyndar bátarnir sem stunda þær veiðar ekki stórir. Enn þeir sem hafa farið nokkrar ferðir á þannig veiðiskap eru annarsvegar Sjöfn ÍS. Byrjaði sá bátur grásleppuveiðar og fór þaðan á skötuselinn í júní. er Sjöfn ÍS búinn að landa tæpum 2 tonnum í heildina í 8 ferðum.
Hinn báturinn er Eydís Rebekka HF sem eins og Sjöfn ÍS byrjaði grásleppuveiðar og fór þaðan á skötuselinn. Er Eydís Rebekka HF búinn að landa tæpu einu tonni í 4 ferðum. Er þetta nokkuð athyglisvert þótt kanski að aflinn sé ekki eins mikill og t.d sunnalands, þá er þetta engu að síður merkileg byrjun.
8.8.2008
Dragnót í júlí
Listi númer 7.
Svona lítur þá lokalistinn út fyrir júlí. Þorleifur EA endaði í þriðja sætinu, því Grímsnes GK má segja að hafi " stolið" öðru sætinu, enn Grímsnes GK landaði síðustu löndun sinni á Hornafirði alls 30 tonnum. Aldan ÍS náði í 5 sætið og er það nokkuð góður árangur.
| Sæti | Nafn | Afli | Róðrar | Mest |
| 1 | Geir ÞH | 163,908 | 13 | 28,3 |
| 2 | Grímsnes GK | 104,24 | 6 | 29,5 |
| 3 | Þorleifur EA | 102,94 | 22 | 11,2 |
| 4 | Arnar ÁR | 101,286 | 3 | 51,3 |
| 5 | Aldan ÍS | 91,856 | 20 | 7,1 |
| 6 | Margrét HF | 90,304 | 4 | 46,1 |
| 7 | Sigurfari GK | 87,986 | 5 | 37,6 |
| 8 | Hásteinn ÁR | 75,829 | 2 | 54,1 |
| 9 | Aðalbjörg II RE | 68,239 | 12 | 11,9 |
| 10 | Vestri BA | 66,525 | 3 | 31,1 |
| 11 | Arnþór GK | 63,729 | 9 | 17,2 |
| 12 | Eiður ÓF | 55,30 | 15 | 6,3 |
| 13 | Sólborg RE | 49,362 | 3 | 22,8 |
| 14 | Grímsey ST | 48,999 | 12 | 9,9 |
| 15 | Hafrún HU | 48,902 | 13 | 8,1 |
| 16 | Egill ÍS | 45,206 | 9 | 9,3 |
| 17 | Sæbjörg EA | 43,382 | 15 | 5,1 |
| 18 | Benni Sæm GK | 41,152 | 6 | 16,1 |
| 19 | Ólafur.Bjarnarsson.SH... | 38,461 | 5 | 11,2 |
| 20 | Sæberg HF | 32,87 | 3 | 16,7 |
5.8.2008
Línubátar í Júlí
Mynd frá Rafni á Óla á Stað GK
Listi númer 9.
Jæja þá er það komið á hreint. hjónakornin Auður Vésteins GK og Gísli Súrsson GK verma tvö efstu sætin í júlí. Enn ekki er hægt að segja að mokveiði hafi verið hjá báðum þessum bátur. Og yfir höfuð má segja að júlí hafi verið ansi dapur aflalega séð. Mjög fáir bátar voru að veiðum og t.d húsavíkurbátarnir réru mjög lítið í júlí.
Af smábátunum undir 10 BT þá varð Einar Hálfdáns ÍS hæstur, og Petra SK náði öðru sætinu, enn ansi mikill aflamunur er á þessum tveimur bátum.
Ég læt fylgja með mynd af Auði Vésteins GK, aflahæsta smábáti í júlí.
P.S reyndar ef ALLIR smábátar eru teknir með þá er Auður Vésteins GK í öðru sætinu, því Bárður SH sem er á netum fóru yfir 100 tonn í júlí.
Rétt er að minna á að bátar sem eru feitletraðir eru smábátar sem eru undir 10BT að stærð
| Sæti | Nafn | Afli | Róðrar | Mest |
| 1 | Auður Vésteins GK | 96,321 | 18 | 10,6 |
| 2 | Gísli Súrsson GK | 90,905 | 22 | 8,3 |
| 3 | Hafdís GK | 89,897 | 17 | 11,4 |
| 4 | Guðmundur Einarsson ÍS | 77,384 | 25 | 8,1 |
| 5 | Þórkatla GK | 73,349 | 18 | 5,8 |
| 6 | Óli Gísla GK | 69,705 | 14 | 7,2 |
| 7 | Guðmundur á Hópi GK | 67,277 | 15 | 8,1 |
| 8 | Hópsnes GK | 65,917 | 13 | 7,9 |
| 9 | Sirrý ÍS | 64,879 | 18 | 5,9 |
| 10 | Einar Hálfdáns ÍS | 61,864 | 22 | 4,8 |
| 11 | Benni SF | 60,591 | 13 | 9,2 |
| 12 | Óli á Stað GK | 57,912 | 18 | 6,5 |
| 13 | Örninn GK | 57,879 | 12 | 6,1 |
| 14 | Gestur Kristinsson ÍS | 56,822 | 22 | 4,1 |
| 15 | Vilborg GK | 50,064 | 14 | 7,3 |
| 16 | Oddur á Nesi SI | 49,966 | 11 | 9,2 |
| 17 | Björgmundur ÍS | 46,124 | 17 | 4,4 |
| 18 | Narfi SU | 45,54 | 11 | 6,6 |
| 19 | Alda HU | 43,073 | 11 | 5,7 |
| 20 | Gunnar Leós ÍS | 43,009 | 19 | 2,8 |
| 21 | Guðbjartur SH | 41,506 | 13 | 4,2 |
| 22 | Karólína ÞH | 40,93 | 6 | 7,8 |
| 23 | Háey II ÞH | 39,912 | 9 | 10,3 |
| 24 | Hrefna ÍS | 39,849 | 15 | 3,6 |
| 25 | Lágey ÞH | 39,754 | 9 | 6,1 |
| 26 | Petra SK | 39,471 | 9 | 5,8 |
| 27 | Bensi ÍS | 37,198 | 14 | 4,9 |
| 28 | Jonni SI | 36,777 | 9 | 6,1 |
| 29 | Kristján ÍS | 35,517 | 15 | 2,6 |
| 30 | Úlla SH | 35,461 | 13 | 4,2 |
s