Listi númer 6.

Mynd Gísli Reynisson

Jú rétt var það . Þorsteinn Gíslasson KE 90 hét síðast Svanur KE. 

Fyrir 43 árum síðan þá stundaði báturinn allt árið 1965, og það verður að segjast að aflinn hjá bátnum sem er ekki nema 38 brl var ansi góður.  Eins og sést í tölfunni þá var aflinn í apríl það ár 328 tonn,  Vertíðarafli bátsins varð 559 tonn í 67 ferðum.  Eftir vertíð þá fór báturinn á dragnót og réri frá Sandgerði þar sem báturinn lagði upp hjá Miðnesi HF.  varð dragnótaafli bátsins 195 tonn í 51 ferð. Um haustið þá byrjaði báturinn á trolli enn fór svo á línu í október.  Haust afli bátsins varð 201 tonn í 56 ferðum.

Heildarafli Þorsteins Gíslassonar KE árið 1965 varð því 955 tonn í 174 sjóferðum sem gerir 5,5 tonn í róðri.  Verður að segjast að þessi afli er ansi góður og nokkuð stíft róið.

Hérna kemur smá viðbót við stóru töflurnar sem eru hérna að neðan.  Allar þessar aflatölur og nöfn segja kanski ekki alla söguna.  Ég hef myndir af öllum þessum skipum, þar reyndar að skanna þær allar inn.  Enn ég fór og kannaði stærð bátanna, og var þá að leita eftir eikarbátunum og því hvaða bátur væri minnstur af þeim sem eru á listanum fyrir Mars og Apríl árið 1965.
Þeir bátar sem eru t.d undir 100 brl eru eftirfarandi:

Stapafell SH                                 76 brl
Hrönn SH                                    41 brl
Blíðfari SH                                    60 brl
Valafell SH                                    69 brl
Steinunn SH                                    72 brl
Jón Jónsson SH                            70 brl
Gnýfari SH                                    65 brl
Sigrún AK                                    65 brl
Gunnhildur ÍS                                 59 brl
Grundfirðingur II SH                         59 brl
Blakkur RE                                     45 brl
Þorsteinn Gíslasson KE 90        38 brl
Fram GK                                         82 brl
Ágúst Guðmundsson II GK            82 brl

Þegar horft er á stærðina á bátunum þá vekur strax athygli Þorsteinn Gíslasson KE, báturin er ekki nema 38 brl að stærð enn var með 328 tonna afla.  eða um 12 tonn í róðri. 
Með þessu ætla ég að setja fram tvær spurningar.
1.
Þorsteinn Gíslasson KE 90, er hann ennþá til í dag? og ef svo er hvað heitir hann eða hvað hét hann síðast þegar hann var gerður út?

2:  Hver er tenginginn milli Gunnhildar ÍS sem er á listanum og Einars á Ósk KE??

Eins og ég greindi frá hérna á síðunni þegar ég kláraði árið 1965, þá setti ég inn svona heildartölur ýmislegar.  Enn það er greinilegt að menn eru áhugsamastir um vertíðina, og hafa nokkrir beðið mig um að birta eitthvað um vertíðina það ár.

Trollbáturinn Óskar RE sem rær frá Sandgerði hefur núna í júlí heldur betur fiskað vel.  Hefur báturinn farið í 5 stuttar veiðiferðir og komið með svo til fullfermií hverri ferð.

Núna er ég byrjaður á árinu 1966.  Kem með smá innsýn inní hvað var að ske seinni hlutann í apríl frá bátum sem lönduðu hjá Hraðfrystistöð Vestmannaeyja.

Í Fiskifréttum í dag þá eru þar töflur um aflaverðmæti togara og Frystitogaranna árið 2007.  Ég setti inn könnunn hérna um aflaverðmæti ísfiskstogaranna.  og verður að segjast að lesendur síðunnar kusu svo einungis einn togara rétt, Bjart NK.  Hinir voru tvist og bast.  Þeir 5 efstu togarnir í könnunni voru.

Ég fann á netinu undirskrifarlista sem er til stuðninga Ásmundi Jóhannessyni á Júliunu Guðrúnu GK.  Enn líklegast þarf ég ekkert að fara útí um hvaða mann ég er að tala um.

Hérna að neðan er mynd og smá frétt um stóran róður hjá bátnum Bilmingi SI sem gerir út frá Siglufirði.  Við hana skrifaði maður/kona sem kemur fram undir nafinu gg, kvótalaust drasl...!!
Ansi hörð orð, ástæða þessara orða gg veit ég ekki, enn hann er kanski ekki sá eini sem hefur horn í síður kvótalausu bátanna.  Hversu oft les maður eða heyrir í viðtölum við hinu ýmsu sjómenn víða um land að það er sífellt verið að naga í kvótalausu bátanna.  Sjaldan talað fallega um þessa útgerðarmenn. 

afhverju kvótalaus??.  Í dag er ekkert mál að kaupa sér bát og fá veiðileyfi, enn aftur á móti ansi erfitt að geta byrjað veiðar vegna þess að kvótinn bæði til sölu og leigu er orðinn það dýr.  döpur staðreynd þegar það eru til ungir menn víða um land sem vilja gera út á sjóinn.  Svo virðist vera sem menn hagnist meira á því að eiga kvóta og leigja hann út eða selja hann frá sér.  er það sjómennska???. 
Þegar fyrst var úthlutað kvótanum á sínum tíma þá þurftu menn ekki að borga fyrir hann, menn fengu kvóta útá veiðireynslu síðust 3ja ára þar á unda, ( 81-82-83 að mig minnir). 

Afhverju ættu þessir menn að geta selt kvóta burtu frá sér svo síðar meir þegar þeir ákveða að hætta útgerð. frekar að skila inn kvótanum og hann myndi síðan fara til þeirra sem hefðu t.d veiðireynslu ja síðustu 3ja ára þar á undan. Að auki þá hefur sá útgerðarmaður/fyrirtæki fengið úthlutaðan kvóta ár eftir ár og hefur getað gert út bát sinn án þess að leigja kvóta til sín.  Á meðan annar aðili sem gerir út kvótalausan bát hefur þurft að leigja til sín kvóta.  Svo ákveður kvótaeigandinn að hætta útgerð og selur sinn kvóta og svo t.d gæti kvótalausi eigandinn keypt þann kvóta því hann ætlaði´sér að halda áfram útgerð.  Er þetta sanngjarnt??,.  nei segi ég.

Ég hef alltaf borið þónokkra virðingu fyrir þessum útgerðarmönnum sem eru kvótalausir/ kvótalitlir enn ná samt að gera bát út yfir t.d heilt ár.  nægir þar að nefna Marta Ágústdóttir GK, Grímsnes GK, Maron GK, Margréti HF, Arney HF, Sæberg HF af stóru bátunum og af þeim minni má nefna Happadís GK. 
Einn af þessum bátum Marta Ágústdóttir GK hefur verið gerð út( reyndar var Eldhamar GK líka gerður út af sama eiganda) í ansi mörg ár, og alltaf kvótalaus eða kvótalítill.  væri ekki sanngjarnt að báturinn fengi úthlutaðan kvóta byggt á veiðireynslu síðstu 3ja ára.?

Enn það eru ekki miklar líkur til þess að þetta breytist, og því munu útgerðarmenn áfram geta farið með margar milljónir útúr kerfinu, sem gerir þeim útgerðarmönnum erfitt fyrir sem langar að gera út áfram. 

Mynd frá Sigurði Gunnarssyni.

Bátar frá Siglufirði hafa sumir hverjir komist í ágætis fisk, má þar nefna helst Hafdísi GK sem er reyndar aflamarksbátur enn hefur verið að koma með um og yfir 11 tonn að landi.  Ekki má gleyma mjög góðum afla hjá Jonna SI sem var efstur svo til allan júní mánuð, og komst mest með um 13 tonn að landi.
Fékk senda mynd núna í dag af Bilmingi SI enn þarna er hann að koma að landi með 7,6 tonn á aðeins 30 400 króka bala.  Var þetta fyrsti róður bátsins í júlí, og´óhætt er að segja að báturinn byrji vel.  Spurning hvort hann komist inná línulistann hérna á síðunni.  Hann uppfærist líklegast í dag og þá kemur það betur í ljós. 

Í Maí frystitogara listanum þá skrifaði ég aðeins um það hversu erfitt væri að gera frystitogurunum almennileg skil.

mynd Gísli Reynisson

Færeyski báturinn Fagraenni sem stundað hefur lúðuveiðar hér við land.  Er búinn að landa tvisvar í Sandgerði núna á skömmum tíma. 

Í júní þá landaði báturinn einu sinni 14,4 tonni af lúðu og í byrjun júlí 4,6 tonni.

 

Báturinn hefur áður komið hingað til landa því í jún í 2006 þá landaði báturinn í hafnarfriði 15,3 tonni af lúðu.

2005 landaði báturinn 12,6 tonni í júlí í hafnarfirði.