Í fiskiskipaflota okkar íslendinga er ansi mikið um báta sem eru nokkurn veginn samskonar.  Smíðaðir t.d af sömu skipasmíðastöð.  Má þar nefna Kínabátanna svokölluðu.  Óseyjarbátanna,  Esjar SH, Valgerði BA og Hafdísi GK.  

Það er nokkuð þekkt að dragnótabátar flækist ansi víða til að komast í fisk. Bátar sunnanlands færa sig á milli hafna á svæðinu frá sandgerði og til Vestmannaeyja.  Núna bregður svo við að nokkrir bátar hafa farið alla leið austur á Höfn í Hornafjörð.  Eru það Siggi Bjarna GK, Benni Sæm og Örn KE svo einhverjir sé nefndir.  

Myndir Villi Ara.

Áhöfninn á Árna í Teigi GK fékk heldur betur stórt kvikindi í netum ekki alls fyrir skömmu.  Villi Ara á  bátnum sendi mér nokkrar myndir af baráttu þeirra við dýrið.
Taldi hann að það hefði verið á milli 6 og 7 metrar að lengd og um og yfir 1 tonn af þyngd.  Spurning hvaða tegund þetta er.

Nokkur undanfarin sumur þá hafa fáeinir bátar lagt sig í það að stunda lúðuveiðar á línu.  Helst hafa þetta verið stórir bátar,  eins og Dúa AH , ( fyrrum Hafnarberg RE),  Litlaberg ÁR og Fagurey HF.  Smábáturinn Ólafur HF hefur einnig bæst í hópinn.

Mynd Sigríður Reynisdóttir

Eins og ég setti fram fyrir helgi, þá skrifaði ég voðalega lítið inná síðuna núna um helgina, reyndar bara ekki neitt.  Enn ég er allavega kominn aftur.  og búinn að gifta mig.
Þarna er ég og konan mín Helena María Árnadóttir að dansa drúðardansinn.

Hérna neðar á síðunni er mynd af mér í ansi asnalegum búningi,  ástæðan jú það var verið að steggja mig.  Málið er að á morgun þann 24 maí þá ætla ég að gifta mig í Sandgerði.  Sú heppna ef ég má orða það þannig heitir Helena María Árnadóttir.  Ef einhver hérna sem skoðar síðuna er á frystitogaranum Þór HF þá er faðir hennar vélstjóri á Þór HF.
Ég á ekki eftir að geta sinnt síðunni eins og ég hefði viljað líklegast næstu daga framyfir helgi.  Enn þó get ég hugsanlega reynt að skjóta inn einni frétt eða uppfæringu á lista.

Þó get ég sagt tvennt..
Hið fyrra er að samkvæmt niðurstöður könnunnarnir hérna um Kristinn SH þá verður hann ekki tekinn með í krókalistann.  70% svarenda sögðu nei.

Hið seinna er að frá og með 1 júní  næstkomandi þá verður sú nýbreytini tekinn upp hérna á síðunni að dragnótalistinn hefur göngu sína.  Ég hef fengið ansi margar fyrirspurnir og óskir um að ég setji fram þannig lista.  Ég hef reyndar ekki ákveðið hversu stór hann verður.  t.d efstu 10, 15 eða 20 bátarnir. 

kveð að sinni.

Myndir Gísli Reynisson

Fall er fararheill er anso góður málsháttur.  Hann hefur átt ansi vel við mig.  Von  GK sem var búinn að vera allan apríl mánuð frá vegna þess að verið var að setja beitningavél í bátinn,  lenti á öðrum hafnargarðinu í Sandgerðishöfn þegar báturinn að að koma úr róðri.  Mjög stór rifa koma á skrokk bátsins, eins og sést á myndunum.
Má segja að það sem hafi bjargað bátnum frá því að hann sykki var að Köfunarþjónusta Sigurðar Stefánssonar var mjög fljót á svæðið með dælur.  Þess má geta Von GK er þriðji báturinn á þessu ári sem Sigurður Stefánsson nær upp.  Hinir voru Sunna Líf KE og Una SU.

Í júlí í fyrra þá strandaði Hópsnes GK þegar hann var á leið til hafnar á Skagaströnd.  Báturinn var í viðgerð svo til út árið 2007.  Á vertíðinni 2008 þá var Hópsnesið GK aflahæsti krókasmábáturinn.  Má segja að málshátturinn eigi vel við um Hópsnesið GK og því má spyrja mun hann eiga einnig við Von GK??. 

Hérna lítur dagsins ljós Apríl listinn fyrir Frystitogaranna.  Nokkrir þeirra lönduðu tvisvar og eru landanirnar sundurliðaðar.  EF Afli er lagður saman þá er Mánaberg ÓF aflahæst.  Þó er athyglisvert að sjá aflan hjá Brimnesi RE, Víði EA og Hrafni GK.  Allir þessir togarar eru með yfir 30 tonn á úthaldsdag.

Sæti	Nafn	Afli	Landanir	afli.per Úthd
1	Brimnes RE	949,804	23	41,2
2	Vigri RE	869,15	33	26,3
3	Venus HF	793,03	32	24,8
4	Freri RE	784,109	37	21,1
5	Málmey SK	766,891	32	23,9
6	Arnar HU	758,093	34	22,2
7	Þór HF	751,92	35	21,4
8	Þerney RE	700,82	31	25,9
9	Baldvin Njálsson GK	699,446	35	19,9
10	Mánaberg ÓF Löndun 1	595,426	29	20,5
11	Víðir EA	593,275	19	31,2
12	Snorri Sturlusson VE	557,539	32	17,4
13	Mánaberg ÓF löndun 2	454,062	26	17,5
14	Kleifaberg ÓF 1	446,467	25	17,8
15	Helga María AK	427,203	18	23,7
16	Barði NK Löndun 2	427,067	15	28,4
17	Oddeyrin EA. Löndun 2	414,715	20	20,7
18	Oddeyrin EA Löndun 1	413,455	19	21,8
19	Júlíus Geirmundsson ÍS löndun 1	403,022	25	16,1
20	Sigurbjörg ÓF	397,802	23	17,3
21	Barði NK  Löndun 1	390,168	15	26,1
22	Guðmundur Í Nesi RE	368,525	28	13,1
23	Gnúpur GK	332,249	13	25,6
24	Frosti ÞH	331,637	37	8,9
25	Hrafn GK	331,518	11	30,1
26	Hrafn Sveinbjarnarsson GK Löndun 1	303,953	20	15,2
27	Höfrungur III AK 1902	281,406	19	14,8
28	Júlíus Geirmundsson ÍS Löndun 2	250,991	21	11,9
29	Hrafn Sveinbjarnarsson GK Löndun 2	139,267	11	12,6

Vetrarvertíðinn er búinn.  og nú sit ég sveittur að skrifa vertíðaruppgjörið fyrir Fiskifréttir. 
Og við það vertíðinn er búinn þá hættir vertíðarnetalistinn sem er búinn að vera í gangi í allan vetur. 
Eftir stendur þá krókalistinn, og humarlistinn sem kom nýr núna inn. 
Spurninginn sem eftir stendur, er hvernig lista vilja lesendur síðunnar fá í staðinn fyrir netalistann,  eða kanski ekki neinn lista í staðinn.  ??
í boði er
Dragnót
Lína ( aflamarksbátar)
troll
togarar
hægt er að hafa handfærabáta, enn það er nokkur mikil vinna í þannig lista.
net

og jú , menn velta kanski fyrir sér þessari fallegu mynd....,  enn málið er að síðuhöfundur, er að fara að gifta sig þann 24 maí næstkomandi,  og ég var tekinn í steggjun 10 maí.  og var við þann atburð settur í þennan búning. 

Það virðist vera nokkuð vinsælt að hafa smá bátagetraunir og láta menn giska á hvaða bátur þetta og þetta er.  Ég býr nú reyndar ekki svo vel að geta haft þannig getraunir, enn datt í hug að koma með eina hérna nokkuð öðruvísi.
Eins og kanski menn hafa tekið eftir þá er ég að skrifa núna tölur frá árinu 1965 og reikna það saman.