Öllum er tamt að taka sér frí af og til og síðan um haustið árið 2008 þá hefur síðuhöfundur ekki verið mikið í fríum.  Núna mun ég fara í frí í rúma viku og verður á þeim tíma engnir listar reiknaðir upp.

Ég veit að enginn smábátalisti undir 10 BT hefur litið dagsins ljós, enn þar sem ég er ennþá að handreikna bátanna og þeir eru orðnir rúmlega 1000 talsins þá er þetta verkefni mitt varðandi þann bátaflokk orðið ansi erfitt.  sem dæmi þá tók það mig 36 klukkutíma að reikna 850 smábáta í fyrra.

 

Þótt að ég fari í frí þá verður ekki þannig að ekkert verður um að vera á síðunni

því ég hef skrifað 5 ansi stórar greinar og mun systir mín koma þeim til birtingar.

hérna að neðan má sjá hvaða dag þær koma og hvað þær heita.

 

22.maí mun birtast grein sem heitir Ársæll Sigurðsson GK árið 1950.

24 maí kemur grein sem heitir Grindvíkingur GK 39, gleði og sorg

26. maí birtist grein sem heitir, Fengsælustu bátanöfn íslands.

28, maí kemur stærsta greinin sem heitir Vertíðarslagur aldarinnar

30 maí kemur grein sem heitir Guðrún VE 163, ævintýri og harmleikur.

 

Vona að þið kæru lesendur haldi áfram að skoða síðuna á meðan ég verð í burtu og greinarnar falli ykkur í geð.

 

bestu kveðjur

Gísli R

 

Eitt af betri og stöndugri útgerðum landsins er án efa Stálskip í Hafnarfirði.  Það fyrirtæki hefur í um 40 ár gert út togara og frystitogara.  Nöfn sem allir kannast við , Rán HF, Ýmir HF og núna Þór HF.  Þór HF er með öflugustu frystitogurum landsins og gerði nýverið risatúr í Barnetshafið þegar þeir komu með til hafnar 1500 tonn sem er mesti afli sem frystitogari hefur komið með í einni löndun.

Enn skjótt skiptast veður í lofti.  þegar að frystitogarinn fór á sjóinn í veiðiferðina sem þeir eru í núna þá biðu skilaboð frá útgerðarmanni skipsins þar sem sagði að vegna veiðileyfagjaldsins þá þyrfti hugsanlega að selja skipið og segja allri áhöfninni upp.

 

Samkvæmt þeim heimildum sem aflafrettir hafa þá hafa menn fengið uppsagnar bréf og líklegast er verið að selja skipið úr landi. 

ef það er rétt þá stendur eftir gríðarlega mikill kvóti enn Þór HF er eitt kvótamesta skip landsins.  

Þór HF Mynd af heimasíðu skipsins

 

 

11.maí hefur alltaf skipað ansi góðan sess í mínu aflatölugrúski.  Því samkvæmt fornu dagatali þá er þetta lokadagur vetrarvertíðarinnar.  Fornu segi ég því í dag þá má segja að búið sé að taka út þennan dag í dagatölum.  Reyndar er gamli góði vertíðarbragurinn og stemminginn löngu horfin, því í dag snýst þetta um tvennt, kvóta og gera sem mest úr aflanum.

Reyndar held ég að þrátt fyrir að kvótinn og aflaverðmætið ráði mestu um í dag þá er það nú þannig að stemminginn um að fiska meira enn báturinn við hliðina á er að gera sé ennþá við lýði.  Um það má meðal annars sjá á síðunni þar sem allir listarnir eru í gangi. Þið kæru sjómenn eru duglegir við að leiðrétta villur eða koma með ábendingar um eitthvað sem hefur misfarist á listunum.  

 

Það er kominn hefð hjá síðuritara að skrifa grein um vertíðina og núna í ár þá verður þannig grein skrifuð.  Sú grein mun birtast í Sjómannadagsblaði Fiskifrétta.

 

Öll árin sem ég hef fjallað og reiknað vetrarvertíðir þá er ákveðið lágmark í gangi, enn það er 400 tonn.  Sem þýðir að bátur sem fiskar meira enn 400 tonn á vertíðinni kemst á listann.  Þessi 400 tonn hef ég notað á alllar vertíðir aftur til ársins 1944 eða 69 vertíðir.  Hjá smábátunum þá er lágmarkið 200 tonn.  

 

Annars mun greinin í Fiskifréttum byggjast á eftirfarandi.

 

Listi yfir báta sem fiska meira enn 400 tonn

 

Listi yfir smábáta sem fiska meira enn 200 tonn.

 

Sér listi yfir 20 aflahæstu netabátanna

 

Og svo trompið sem mér finnst ansi gaman að skrifa um. enn það er farið 50 ár aftur í tímann og vertíð skoðuð.  Og núna í ár þá verður vertíðin árið 1963 tekin fyrir.

Veit ekki hvort einhver lesandi síðunnar var á sjó þessa vertíð 1963, enn þó veit maður aldrei

og að lokum verða teknir fyrir báta sem voru að veiðum árið 2013 og 1963.  

 

Núna eftir stoppið þá hefur fiskast ansi vel í dragnótina við Snæfellsnesið.  Strákarnir á Gunnari Bjarnarsyni SH lentu heldur betur í ævintýri í lok apríl.  Þeir fóru á sjóinn grunlausir um hvað í vændum var.  Í fyrsta kastinu fengu þeir einungis 10 tonn.  10 tonna hala myndi nú gleðja hvaða skipstjóra sem er, enn það var ekkert miðað við það sem kom síðan á eftir.  

Þeir köstuðu aftur og drógu í sirka 4 mínuntur og drógu þá.   Og halið var hátt í 40 tonn.  Að sögn Hilmars Haukssonar skipstjóra á Gunnar Bjarnarsyni SH er þetta langstærsta kast sem hann hefur fengið á dragnótinni.    Uppistaðan í aflanum var svo til eingöngu þorskur

Þegar báturinn kom til hafnar þá voru 50 tonn í bátnum.  

Gunnar Bjarnarson SH er einn af Kínabátunuim svokölluðu enn þeir eru nokkrir í dag sem eru gerðir út.  Siggi Bjarna GK, Benni Sæm GK, Sólborg RE, Kristinn SH, Gunnar Bjarnarson SH og Matthías SH.  Þessi 50 tonna róður er langstærsti einstaki róður allra þessara kínabáta frá því þeir komu til landsins.

 

Fyrst þegar síðuhöfundur sá þessa rosalegu tölu þá hélt hann að þetta væri einhvern villa hjá Fiskistofu því strax var farið að velta fyrir sér hvernig gátu þeir komið 50 tonnum fyrir í bátnum.  

Að sögn Hilmars þá voru þeir með kör fyrir um 25 tonna afla og eins og hann sagði þá " tókst kokknum og annar vélstjóri einhvern veginn að koma öllum aflanum fyrir í bátnum" 

Eins og sjá má á myndum sem Alfons Finnson tók af bátnum þá var hann ansi siginn þegar til hafnar var komið.  

 

Matthías Páll Gunnarson tók mynbönd þegar var verið að hífa þetta risahal  og hægt er að horfa á það hérna

Kátir piltar á Gunnari

Byrjað að landa úr bátnum

Séð ofan í lestina

Báturinn kemur til hafnar. vel siginn. Myndir Alfons Finnson

 Og svo hérna í lokin kemur ein bryggju mynd af bátnum og sést þá vel hversu siginn hann var

Mynd Grétar Þór Sæþórsson

 

Það hefur ekki farið frammhjá neinum sem hafa fylgst með síðunni að strákarnir á Steinunni HF sem er gerð út frá Flateyri hafa heldur betur lent í steinbítsveislu núna í apríl.

Báturinn er búinn að koma  með hvern 10 + tonna róðurinn trekk í trekk og mest komist í rúm 17 tonn í einum róðri.

 

Það var greinilegt að þeir á Steinuni HF ætluðu sér að bæta íslandsmetið sem Tryggvi Eðvarðs SH setti í Janúar árið 2010.  Því þeir drógu 68 bala þann 30 apríl og lönduðu hátt í 26 tonnum þann dag í tveim löndunum.

 

Enn hver var svo lokastaðann?

 

Já það var ekki hægt að hafa lokastöðuna meira spennandi

Íslandsmet Tryggva Eðvarðs SH frá því í Janúar árið 2010 var 231 tonn og 720 kíló

 

Það met féll núna enn með eins litlum mun og hægt er að hugsa sér

nýja metið er 231 tonn og 783 kíló

 

semsé nýja íslandsmetið er ekki nema 63 kílóum frá metinu sem Tryggvi Eðvarðs SH setti.

 

Aflaverðmætið hjá Steinunni HF núna í apríl var 50 milljónir 

og hásetahluturinn um 3 milljónir króna og skipstjóra hlutirnn 4 milljónir króna

 

SVona lítur þá taflan út yfir smábátanna sem hafa náð 200 tonna afla

 

Nafn	Afli	Landanir	Afli per róður	Stærsti róður	Met Sett
Steinunn HF	231,78	24	9,6	17,9	.Apríl 2013
Tryggvi Eðvarðs SH	231,72	26	8,9	14,9	.janúar 2010
Sirrý ÍS	220,5	29	7,6	12,6	.Janúar 2010
Sirrý ÍS	218,8	27	8,1	11,7	.Maí 2012
Ragnar SF	217,1	23	9,4	20,5	.Ágúst 2009
Dögg SU	202,8	16	12,6	22,4	.Október 2011
Fríða Dagmar ÍS	202,7	27	7,5	11,1	.Maí 2012

 

Reyndar miðað við vigtina á Flateyri þá er Steinunn HF búinn að landa þar um 232 tonnum enn allir bátarnir sem eru reiknaðir hérna á síðunni miðast við fiskistofu og því er talan lægri enn á vigtinni á Flateyri.

 

Engu að síður er þetta hrikalega góður árangur hjá strákunum á Steinunni HF og vill síðuhöfundur óska þeim innilega til hamingju með frábæran árangur.

Steinunn HF að koma með 17 tonn til Flateyrar Mynd Tómas Patrik Sigurðsson

 

Fyrir nokkrum dögum síðan þá var birt frétt um mokveiðina hjá Steinunni HF, Enn strákarnir á bátnum eru ekkert hættir að moka upp steinbítnum því þeir komu með að landi 17 tonn í einum róðri og deginum eftir tæp 12 tonn.  

Eins og staðan er núna þá stefnir í að báturinn nálgist 200 tonnin óðfluga fyrir aprílmánuð.

Steinunn HF með 14,6 tn, Mynd Ágústa Guðmundsdóttir

 

Ég hef nú hingað til ekki verið að birta efni af öðrum 123.is síðum enn ég rakst á lítil pistil hjá síðunni hans Tryggva Sigurðssonar sem vakti athygi mína.

 

Þar í höfn hefur eitt af merkari aflaskipum landsins verið gert út undanfarnar loðnuvertíðar og heítir það skip Sigurður VE.  Sigurður VE hefur alla tíð síðan hann var smíðaður árið 1960 heitið nafninu Sigurður.  

Fyrst um sinn þá var skipið togari og var gerður út þannig þangað til skipið fór að stunda loðnuveiðar uppúr 1970.  Sigurður VE og RE var iðulega með aflahæstu og aflahæsti loðnubátur vertíðarinnar og oft aflahæsta skip ársins.   Einnig var skipið mikið aflaskip á bolfiskveiðum og var á árunum 1960  til 1970 margsinnis aflahæstur togaranna yfir árið.  

Enn núna virðist sem tími þessa mikla öldungs og aflaskips vera á enda kominn.  Því samkvæmt síðunni hans Tryggva stendur til að Sigurður VE fari í sína hinstu för til Danmerkur þar sem skipið verður rifið.  

 

Óvíst er hvort hægt sé að varðveita skipið því Sigurður VE er 72 metrar á lengd, en ekki væri vitlaus hugmynd að með einhverju móti að varðveita skipið því hann á sér merka sögu.  Kanski væri hugmynd að gera eins og Kristján í Hval ehf gerði , enn hann tók tvo hvalbáta og setti þá í land í Hvalfirði þar sem hægt er að skoða þá.  Það sama var gert við Garðar BA elsta stálskip íslendinga sem var silgt uppí fjöru uppúr 1980, og hefur varðveist þar.  

 

Spurning hvað verður?

Sigurður VE, Mynd Þorgeir Baldursson

Vikan hjá áhöfninni á smábátnum Steinunni HF er vægast sagt búinn að vera ansi góð.  Báturinn er búinn að vera að landa á Flateyri og hefur algjörlega mokveitt af steinbítnum.  

500 kíló á bala

Veislan hjá þeim byrjaði þann 16 apríl þegar þeir fóru út með 21 bala enn fengu á þessa bala 10,6 tonn sem gerir 505 kíló á bala.  má segja að fiskur hafi verið á hverjum einasta krók í balanum,

 

næstu róðra á eftir réru þeir með 40 bala og náðu að komast í 14,2 tonn og bættu svo það aflamok þrem dögum seinna þegar landað var úr bátnum 14,6 tonn eða 365 kíló á bala.  

 

6 róðrar yfir 10 tn.

þetta mok hjá Steinunni HF varð þannig að báturinn var með yfir 10 tonn í 6 róðrum og sjöundi róðurinn var tæp 10 tonn.  alls landaði báturinn í þessum 7 róðrum 86 tonnum, sem gerir 12,3 tonn í róðri.  Þessi 86 tonn voru að langmestu leyti steinbítur og var sáralítið um aukafla með steinbítnum.  

 

Nánar um róðranna.

Tveir skipstjórar eru á bátnum Andri Rafn og Ingimar Finnbjörnsson.  Ingimar sendi mér nánari upplýsingar um aflann. 

16. apríl Lagðir voru 56 balar 21 dregin 10,6 tonn, 504 kíló á bala

17. apríl lagðir 32 balar 27 dregnir 13,1 tonn, 485 kíló á bala

18.apríl 28 lagðir 40 balar dregnir 14,2 tonn, 355 kíló á bala

19. apríl 32 lagðir 23 dregnir 11,0 tonn 478 kíló á bala

20. apríl 32 lagðir 26 dregnir 12,8 tonn 492 kíló á bala

21 apríl 32 lagðir 42 dregnir 14,5 tonn 347 kíló á bala

22. apríl 16 lagðir 29 dregnir 9,8 tonn 337 kíló á bala

 

400 kíló á bala að meðaltali.

Samtals gerir þetta 208 bala og 418 kíló á bala sem er rosalega góður afli svo ekki sé meira sagt

14,2 tonna róðurinn. Mynd Ívar Kristjánsson Báturinn hallast nokkuð vegna lauss fisk í lestinni. Mynd Ívar Kristjánsson

14,6 tonna róðurinn. Mynd Ágústa Guðmundsdóttir

 

Í febrúar þá hóf Stormur SH að stunda línuveiðar með bölum og gekk honum ansi vel þá og var aflahæstur balabátanna með yfir 200 tonna afla.  Báturinn réri mjög mikið og í Mars þá kom Stormur SH á Suðurnesin og réri þá frá Grindavík og Sandgerði.  Miklar og leiðinda brælur voru þá enn strákarnir á Stormi SH létu það ekkert stoppa sig og fóru á sjó í svo til öllum veðrum.  

Núna í stoppinu þá fór báturinn til Siglufjarðar til þess að stunda línuveiðar.  Þar þá Gulltoppur GK kominn til þess að stunda veiðar.  Hafði Gulltoppur GK komist í 14,6 tonna löndun sem gaf 244 kíló á bala.  

 

16 Kíló á bala

Stormur SH hefur iðulega verið að róa með 60 bala og í fyrsta róðri sínum frá Siglufirði fór báturinn með 60 bala og það er ekki hægt að segja að báturin hafi komið með fullfermi því landað var úr bátnum einungis 960 kílóum sem gerir 16 kíló á bala.

   Hérna á síðunni hafa verið birtar margar fréttir um mokafla báta víðsvegar um landið enn þessi róður Storms SH er kannski frétt útaf fyrir sig því þetta er líklegast versti afli sem línubátur hefur fengið á bala í háa herrans tíð.  

 

Aflinn jókst á bala.  

Reyndar þá lagaðist aflinn hjá bátnum aðeins í næsta róðri þegar að báturinn landaði 2,2 tonnum eða 37 kílóum á bala.  

og jókst í þriðja róðri þegar landað var 3,3 tonnum eða 56 kíló á bala.

 

Til er málsháttur sem segir Fall er Fararheill, og hann á vel við um þessa byrjun hjá Stormi SH því án efa þá á aflinn eftir að aukast hjá honum þarna fyrir norðan.

Mynd Vigfús Markússon

 

Togarar sem hafa verið að veiðum í Barnetshafinu hafa heldur betur mokveidd.  Hérna á síðunni hefur verið greint frá mokveiðinni hjá Kaldbak EA sem var að fá uppí 60 tonn á dag enn togarinn stundar ísveiðar þar. 

Nokkrir frystitogarar hafa verið þar að veiðum og hafa allir komið til  Íslands með yfir 1000 tonn.

 

Mesti afli íslensks togara

Frystitogarinn Þór HF sem Stálskip í Hafnarfirði gera út kom til Hafnarfjarðar í byrjun apríl með fullfermi og vel það.  Því landað var út togarnum 1473 tonnum og er þetta mesti afli sem togari hér á landi hefur komið með í einni ferð og má segja að þessi risaafli sé íslandsmet  

 

Veiðaranar gengu ansi vel og var miðað við að fiska í vinnsluna og var dregið stutt í hvert sinn.  

Hrun í aflaverðmæti

Reyndar er það nú þannig að þrátt fyrir þennan risaafla þá var algert hrun í aflaverðmætinu því fyrir þennan risatúr var aflaverðmætið einungis 208 milljónir.  eða rétt um 141 króna á kíló.

 

til samanburðar þá má nefna að árið 2012 þegar að Þór HF fór í barnetshafið þá kom togarinn með 1123 tonn að verðmæti 340 milljónir króna eða 302 krónur að meðaltali.  

Þarna ef aflaverðmætisminnum uppá 132 milljónir króna enn aftur á móti þá jókst aflinn um 350 tonn.

 

Þess má geta að frystilestinn í Þór HF sem er stærsta frystilest í íslenskum frystitogara var ekki alveg full því að sögn Árna vélstjóra á Þór HF þá var pláss fyrir sirka 10 til 15 tonn í lestinni.  

Mynd Grétar Þór

Ég segi alltaf að ég sé Stoltur Sandgerðingur, en Sandgerði er minn heimabær, þar ólst ég upp og vann hin ýmsu störf, bæði til sjós og lands.  Byrjaði bryggjurölt mitt þegar ég var 12 ára og hef aldrei slitið skónum frá þeirri höfn

Þetta bryggjutölt hafði það í för með sér að ég fór að hafa áhuga á aflatölum og margir angar af því urðu til þess að meðal annars síðan www.aflafrettir.com var stofnuð.   Ásamt því að ég hóf að safna saman aflatölum aftur í tímann og hef tekið að mér ansi mörg verkefni sambandi við það.  

Því er það með mikilli ánægju að ég er að leggja lokahönd á eitt mitt skemmtilegasta verkefni sem ég hef tekið mér fyrir hendur.  En það er að saman saman upplýsingum um aflahæstu báta og skipstjóra á vertíðum í Sandgerði eins langt aftur í tímann og ég komst, og mér tókst að komast til ársins 1939.

 

Þið verðið að afsaka kæru lesendur síðunnar að á þessu verkefni hefur staðið þá hef ég ekki getað sinnt síðunni nægilega vel og t.d á ég ennþá eftir að birta listann yfir aflahæstu smábátanna undir 10 Bt í mars.  

 

Annars af  aflakóngum í Sandgerði þá er hægt að skrifa marga pistla um það en ótrúlega margir slagir hafa átt sér stað á milli báta í Sandgerði þessi ár sem ég er að safna saman tölum um.  Og æði oft þá var það nú þannig að aflahæsti bátur í Sandgerði varð einnig aflahæsti báturinn á vertíðinni.

 

meira um þetta þegar nær dregur maí.

 

kveðja

Gísli R

 

Ný Cleopatra 50 afgreidd til Gamvik í Noregi



Nú á dögunum var afgreiddur nýr Cleopatra 50 bátur til Gamvik í Finnmörku sem er
nyrst í Noreg.



Skipstjóri og aðaleigandi bátsins er Haraldur Árni Haraldsson.   Bátnum var siglt
frá Íslandi til Norður Noregs um páska.



Nýji báturinn hefur hlotið nafnið Aldís Lind. Báturinn er 15m langur og 4.65m
breiður og mælist 30brúttótonn.



Aðalvél bátsins er af gerðinni Doosan 4V222TI 800hp tengd ZF gír.

Báturinn er útbúinn fullkomnum siglingatækjum af gerðinni JRC og Simrad frá Sónar
ehf og FAJ ehf.

Báturinn er einnig útbúin með vökvadrifnum WESMAR hliðarskrúfum að framan og aftan
sem tengdar er sjálfstýringu bátsins.

Báturinn er útbúinn til línuveiða með yfirbyggðu vinnudekki.  Beitningavél og
rekkakerfi fyrir 25.000 króka er frá Mustad. Línuspil og færaspil er frá Beiti ehf.

Löndunarkrani af gerðinni TMP 300L frá Ásafli ehf.

Öryggisbúnaður bátsins kemur frá Viking.



Rými er fyrir 23stk 660lítra og 19stk 400L kör í lest. Borðsalur er í brúnni auk
stóla fyrir skipstjóra og háseta.  Svefnpláss er fyrir sex í lúkar, eldunaraðstöðu
með öllum nauðsynlegum búnaði.



Báturinn hefur þegar hafið veiðar í Noregi.

já báturinn hefur hafið veiðar og hann byrjaði ansi vel því landað var úr bátnum 

11,4 tonnum sem verður að teljast ansi góð byrjun hjá bátnum.

Þess má geta að Aldís Lind fer svo á línubátalistann og vegna stærðar bátsins

þá fer í hún í sama litaflokk og Hafdís SU,  þ..e.a.s minni beitningavélabátar

 

Mynd Trefjar

Það er orðið árlegt að togbáturinn Steinunn SF fiski alla aðra í kaf í mars og líka apríl.  og þá er ég ekki bara að tala um bátanna heldur líka ísfisktogaranna.  Og þessi marsmánuður er enginn undantekning.

 

Reyndar bilaði Steinunn SF tvisvar í mars og var þá landað í fyrri róðrinum tæpum 3 tonnum og í þeim seinni rúmum 8 tonnun.  

síðan 15 mars þá hefur Steinunn SF heldur betur mokveitt og hefur landað í einungis 4 löndunum alls 300 tonnum eða 75 tonn í löndun.  

Þrír af þessum túrum voru um einn og hálfur dagur á veiðum enn fjórði túrinn var einungis einn dagur á veiðum en þá kom báturinn með 72 tonn að landi.  

Þetta er algert mok og nánast rugl að báturinn fiski þetta mikið á ekki lengri tíma.  því þetta eru 7 dagar og 300 tonn.  Báturinn hefur verið að eltast við ufsann enn netabátarnir sem eru á Hornafirði,, Skinney SF, Þórir SF og Hvanney SF eru í þorskinum,

 

Þess má geta að á nýjsta listanum þá er Steinunn SF aflahæst allra botnvörpunganna enn það á ennþá eftir að koma afli inná bátin, því að sögn Sævar Ólafssonar skipstjóra á bátnum þá töldu þeir að aflin í mars muni fara yfir 750 tonn.  

Mynd Þorgeir Guðmundsson skipstjóri á Verði EA

Mars mánuður hefur verið ansi góður netamánuður eins og kemur kanski ekki á óvart.  Hérna á síðunni hefur verið birtar fréttir um afla nokkurra báta.  t.d mokafla hjá Birtu SH,  Mokafla hjá Sigurði Ólafssyni SF og mokafla hjá Sindra RE.

Fjórði báturinn sem fékk líka góðan afla er Arnar SH sem er að róa frá Grundarfriði.  Báturin fékk í þrem róðrum samtals og var stærsti róðurinn 22,3 tonn.  

Guðbrandur Björgvinsson sendi mér upplýsingar um þessi 48 tonn en báturinn fékk þau um miðjan mars , enn stoppuðu svo í nokkra daga á meðan að verðið á fiskmörkuðunum hækkuðu.

 

10, mars lögðum við 50 net og drógum 11,mars eftir 18 tíma legu, og aflin var 22 tonn, við lögðum aðeins 20 net fyrir nóttina

 

12,mars drógum við netin og lögðum aftur, eftir 4 tíma drógum við aftur 20 net og vorum þá komnir með 17 tonn, þa lögðum við aðeins 10 net fyrir nóttina.

 

13,mars lögðum við 30 net um morgunin og drógum 10 net sem höfðu legið 18 tíma, síðan drógum við það sem við lögðum 3 tímum áður og fórum í land með 8 tonn og öll netin.

 

Eins og þú sérð á þessu er ágætis veiði í Breiðafirði enda nóg æti fyrir fiskinn, bæði síld og loðna.

 

Þess má geta að eftir stoppið sem var nú ekki langt eða 5 dagar þá fór báturinn aftur á sjó og komst þar í rúm 19 tonn í einni löndun,

 

Arnar SH

Já það eru ekki bara stóru bátarnir sem hafa verið að fiska vel í mars í netin eins og við höfum fengið að sjá t.d varðandi Sigurð Ólafsson SF.

 

Reykjavík höfuðborg landsins og þegar maður hugsar um netaveiðar í mars mánuði þá kemur kanski ekki Reykjavík ofarlega í huganum.  Þó eru þar núna gerðir út tveir litli netabátar og heita þeir Sigrún RE og Sindri RE.   Sindri RE hefur verið gerður út af sama útgerðaraðila í 30 ár og þessi bátur hefur kanski ekki verið mikið í sviðljósinu hérna á aflafrettum. 

 

Um borð í Sinda RE er einungis einn maður Kristján Páll og fór hann út í morgun til að draga einungis 2 trossur sem samtals voru með 10 net.  og fékk hann í þessi net 4,5 tonn, sem er feiknarlega góður afli.  Fékkst aflinn í Kollafirðinum  sem er ekki langt stím frá Reykjavík.  Ansi góður afli miðað við einn mann um borð. Þess má geta að Arnar SH sem rær frá Grundarfirði fékk um daginn 22,1 tonn í 50 net og þessi afli ansi svipaður og aflinn hjá Sindra RE í dag, enn uppreiknað á Sindra RE þá væri þessi afli 22,5 tonn miðað við 50 net.   

 

Ívar Erlendsson skipstjóri á Birtu SH varí reykjavík og náði mynd af Sindra RE við löndun.  

Mynd Ívar Erlendsson

 

 

Útgerðarfélagið Björg Seafood sem Viðskiptahúsið á meðal annars hlut í hefur keypt togbátinn Oddgeir EA af Gjögri.  Ráðgert er að báturinn fari á rækjuveiðar enn með nýjum hætti.

Því um borð í bátnum hefur verið settur flokkari og suðutæki því ráðgert er að rækja sem er að lágmarki 120 stykki í kíló fari í suðuna og verði þaðan sett í frauðplastkassa.  Þegar við löndun verður kössunum svo ekið til Keflavíkurflugvallar þaðan sem þeir fara í flug til Svíðþjóðar.  Gamall og gróinn markaður er fyrir soðna rækju í Svíðþjóð.  

 

Mjög hátt verð fyrir suðurækjuna

Ekki er mikið um að rækjuskip hérna við land sjóði rækjuna um borð, en þau skip sem hafa gert það hafa iðulega fryst rækjuna eftir suðu.  Því er þetta í fyrsta skipti hérna á landinu sem rækja er soðin og flutt erlendis út ísuð í kassa.    Verðin fyrir rækjuna í þessu ástandi er ansi gott.  T.d má sjá að á fiskmarkaðinum í Gautaborg þann 15 mars þá var kílóverðið á suðurækju 3800 krónur.  Enn geta má þess að síðuhöfundur er með aðgang að fiskmarkaðinum í Gautaborg og getur þannig fylgst með með verðinu dag frá degi þar.  

 

Þess má geta að um sumarið 2012 þá var gerð prufa um borð í Grímsnesi HU þar sem var lítill suðupottur og voru prufusendingar sendar til Svíðþjóðar þar sem að gæðin komu mjög vel út.  

 

Báturinn sem áður hét Oddgeir EA heitir núna í dag Magnús Ágústsson ÞH 76 og er með heimahöfn á Raufarhöfn.  Búið er að ráða Gissur Baldursson skipstjóra en hann er mjög vanur rækjuskipstjóri og var lengi skipstjóri á rækjutogaranum Aski ÁR.  Þess má geta að Snæbjörn Ólafsson sem er hjá Viðskiptahúsinu er fyrrum rækjuskipstjóri og hver veit nema að hann fari á sjóinn á nýja bátnum .

 

Vegna þess að ferskleikinn á rækjunni þarf að vera mikill þá getur skipið ekki verið lengi úti í einu eða max 3 daga.  

Verður fróðlegt að fylgjast með hvernig gengur hjá þeim á Magnúsi Ágústsyni ÞH

Oddgeir EA við bryggju í Njarðvík áður en hann var tekinn í slipp þar

Magnús Ágústsson ÞH nýmálaður og flottur.

Við bryggju í Reykjavík. Myndir Gísli Reynisson

 

Marsmánuður, stærsti netamánuður ársins og þessi mars mánuður er enginn undantekning.  Á Höfn í Hornafirði hefur verið ansi mikil netamenning í gegnum árin en þeim hefur fækkað mjög mikið netabátunum þar og í dag eru einungis fjórir netabátar gerðir út þaðan.  þrír þeirra eru allt nýlegir bátar, Skinney SF, Þórir SF og Hvanney SF.

Sá fjórði er ekkert unglamb því sá bátur er orðin 53 ára gamall og heitir Sigurður Ólafsson SF.  

en þrátt fyrir gamlan aldur þá hefur báturinn ekkert gefið nýju netabátunum eftir því þegar nýjasti netalistinn kom á síðuna þá var báturinn fjórði aflahæsti netabátur landsins.

 

53 ára með 53 tonn

Og sá hefur heldur betur fiskað því þeir lentu heldur betur í mokveiði því strákarnir á bátnum lönduðu 53 tonnum í einungis 6 trossur eða 8.8 tonn í trossu  

Fóru svo út aftur og komu með 36 tonn í 4 trossur eða 9 tonn í trossu.

netin bunkuð af þorski

netin full

90 tonn á 30 klukkutímum. 

Að sögn Sigga Óla stýrimanns  þá gengu róðrarnir svona fyrir sig eins og greinir frá að neðan

 Aflinn var í sex trossur, byrjuðum að draga klukkan 04:30 um morgunin og vorum komnir í land með aflan klukkan 17:00 svo þetta gekk ljómandi vel enda blíðaveður.

Gerum vanalega að öllum afla en þennann túr gerðum við að ca. 20 tonnum en blóðguðum svo restina og seldum svoleiðis á markaðnum.

Fórum svo aftur á sjó klukkann 22:00 um kvöldið og fengum 36 tonn um nóttina í fjórar trossur og vorum svo komnir í land aftur um áttaleitið morgunin (13.mars) eftir þannig að þetta voru rúmlega 90 tonn sem við drösluðum á land þarna í tveim túrum á ca. 30 klukkutímum .

Skipstjórinn um borð er gamall netajaxl sem hefur verið með Sigurð Ólafsson SF á netum og fleira síðan 1972 og heitir hann Ólafur Björn Þorbjörnsson

 

Áhöfnin á Sigurði Ólafssyni SF.  Ólafur Skipstjóri lengst til hægri og Siggi Óli stendur við hliðina á Ólafi

 

Meiri afli minna verð

Reyndar er það nú þannig að verð á fiski hefur lækkað mjög mikið á milli ára og nefni Siggi sem dæmi að í fyrra þá hefði dugað að veiða 60 tonna til þess að ná sama aflaverðmæti og þessi 90 tonn gerðu.  Talar hann um að 30% minna verðmæti fáist fyrir aflann núna miðað við í fyrra

Sigurður Ólafsson SF Mynd Markús Karl Valsson

 

Ég fékk símhringingu í dag þar sem ég mér var tjáð að netabáturinn Birta SH sem rær frá Sandgerði væri að koma til hafnar með ansi góða aflan.  Og þar sem ég var í Sandgerði þá brunaði ég niður á bryggju og við mér blasti ansi fögur sjón.

Svona lítur Birta SH út tóm, og sést þá hleðslan á bátnum samanborið við myndina að neðan. Mynd Grétar Þór

Birta SH að leggjast að bryggju, vanalega þá sést hvíta röndin á bátnum

Ansi vel siginn

ansi siginn svo ekki sé meira sagt

 

Að sögn Ívars Erlendssonar skipstjóra á Birtu SH þá lögðu þeir einungis 4 trossur og var áætlaður afli hátt í 20 tonn á þessar trossur.  Báturinn var að veiðum um 4 mílur frá Sandgerði og sem dæmi um mokveiðina þá eftir einungis 2 trossur þá voru komin tæp 10 tonn í bátinn.  

Þá var byrjað að hlaða í bátinn og var sett í 4 kör á millidekkinu og eitt kar var híft uppá efra dekk eins og sést á myndinni karið þar sem loðnunót er yfir.  bæði blóðgunarkörin voru full og restin fór á dekkið.  Án efa er þetta mesti afli sem báturinn hefur komið með að landi 

.Ívar ætlaði að vera með 4 trossur í sjó á morgun 11.mars og verður fróðlegt að sjá hvort aflinn verður svipaður þá og í dag.  

En hérna að neðan koma fleiri myndir sem ég tók um borð í bátnum .

Lestin pakkfull

Löndun hafin

Ívar Erlendsson Skipstjóri ansi sáttur með feiknargóðan dag

 

Núna var að koma fyrsti listinn hjá Smábátunum yfir 10 BT í mars og er hann með smá breytingu í sér.

 

En hingað til þá má segja að listinn smábátar yfir 10 BT hafi einungis miðast við línubátanna og þá krókabátanna.  

En það eru mun fleiri bátar á landinu sem flokkast sem smábátar þó þeir séu ekki krókabátar og eru þeir þá smábátar með aflamark.  

Þar sem ég safna saman aflatölum hjá þeim í gagnagrunn sem ég er með þá hefur það verið nokkuð vandamál hjá mér að fylgjast með aflanum hjá þeim bátum sem ekki eru krókabátar.  og því tók ég þá ákvörðun um að hafa á smábátalistanum yfir 10 BT  alla þá báta sem eru flokkaðir sem smábátar yfir 10 BT og skiptir þá ekki máli hvort þeir séu krókabátar eða ekki.

 

Reyndar eru ekki allir smábátarnir inná þessu, t.d þeir bátar sem einungis hafa stundað ákveðna tegund veiðarfæra eru á þeim lista.  t.d Bára SH sem er á dragnót, Bárður SH og Sunna Líf KE sem báðir eru á netum.  

 

Útaf þessari breytingu þá hefur listanum sjálfum verið breytt þannig að hann er núna samsvarandi við smábátalistann undir 10 BT. sem þýðir að dálkurinn um meðalaflan er dottin út og í staðin er kominn dálkur sem heitir veiðarfæri.  

 

Þessi breyting hóf í raun göngu sína í febrúar en þá fengum við að sjá nokkra netabáta ná að klifra ansi hátt á listanum t. d Nönnu Ósk II ÞH.  

 

Ég vona að ykkur líki þessi breyting á listanum, ef ekki þá látiði mig bara heyra það.  hehe

 

kveðja

G.R

 

Febrúar styðsti mánuður ársins en þrátt fyrir það þá var mokveiði hjá mörgum bátum, og þá aðallega á netunum.  Þó voru strákarnir á beitningavélabátnum Jóhönnu Gísladóttir ÍS í mokveiði því báturinn landaði alls 575 tonnum í einungis 5 löndunum.  Þetta er mesti afli sem línubátur hefur landað á einum mánuði hér við land.  

Jóhanna Gísladóttir ÍS er gerð út af Vísi í Grindavík en landaði öllum þessum mikla afla á Þingeyri þar sem að hluti aflans var tekin til vinnslu en annar hluti aflans var settur í vöruflutningabíl og ekið með til Grindavíkur.  Báturinn er með stærstu lestina af línubátunum og getur tekið sirka um 160 tonn í lest.  Og til marks um stærðina á lestinni þá eru ekki margir ísfiskstogarar sem hafa lestarrými fyrir jafn mikinn afla og Jóhanna getur tekið.  

 

3 þessar landanir voru yfir 100 tonn

fyrsta var 124 tonn eftir um 6 daga á veiðum eða 21 tn á dag

löndun 2 var 137 tonn eftir um 5 daga á veiðum eða 27 tn á dag.

löndun 3 var stærst eða 141 tonn eftir um 7 daga á veiðum eða 20 tn á dag,

svo komu tveir túrar sem báðir voru 3 daga langir

sá fyrri var 96 tonn eða 32 tonn á dag

og sá seinni var 76 tn  eða 25 tn á dag.

 

verður fróðlegt að sjá hver og þá hvenær muni næsti línubátur bæta þetta aflamet bátsins.

 

Og það má geta þess að nýtt fyrirtæki hefur komið með auglýsingu á síðuna og er það voot beita og 

þeir sáu Jóhönnu Gísladóttir ÍS fyrir beitu í þessu íslandsmeti sínu.

 

Mynd af Facebook síðu Jóhönnu Gísladóttir ÍS

 

 

Hérna kemur síðasti listinn sem fjallar um aflahæstu bátanna árið 2012 og hérna kemur listi sem hvað mest spenna var yfir.  

Því staðan var þannig að í maí þá var báturinn sem endaði í þriðja sætinu aflahæstur.  báturinn sem núna í öðru sætinu komst á toppinn í október og nóvember en varð að láta undan undir lokin.

 

Eins og gefur að skilja þá er langmestfjöldi báta sem er í þessum flokki og samtals voru 896 bátar í þessum flokki sem lönduðu afla og var langmestu hluti þeirra á strandveiðum yfir sumarið.  

þessi 896 bátar lönduðu samtals  22300 tonnum eða 24,8 tonn á bát.

 

Mikið af þessum bátum er þannig að einungis einn maður er að róa á bátnum  og ef aflinn er skoðaður þá náðu  101 bátur yfir 50 tonnin.  

34 bátar náður yfir 100 tonnin

16 bátar náðu yfir 150 tonn

11 bátar náðu yfir 200 tonn 

5 bátar náðu yfir 300 tonn.

 

Hérna að neðan mun ég fjalla um 20 aflahæstu smábátanna og verður á 15 þeirra nafnið sem jafnframt verður tengill inná mynd af bátnum.  5 efstu bátarnir verða með mynd af sér hérna á síðunni

20.sæti.

Við byrjun austur á Borgarfirði Eystri.  Þar eru nokkrir bátar og einn af þeim heitir Eydís NS 320.    Báturinn stundaði línu, handfæra og grásleppuveiðar.  Heildaraflinn hjá Eydísi NS var 127 tonn í 56 róðrum eða 2,3 tn í róðri.  Mestur afli á mánuði var í nóvember og besti árangur á listanum var í september þegar að Eydís NS endaði í 8 sætinu.

 

19.sæti.

Frá austurlandinu förum við vestur til Bolungarvíkur.  Þar eins og við höfum séð er ansi mikið um aflabáta og báturinn í 19 sætinu heitiri Snjólfur ÍS 23.  Báturinn stundaði eins og Eydís NS línu, færa og grásleppuveiðar.  Heildaraflinn hjá bátnum var 142 tonn í 72 róðrum eða 1,9 tonn í róðri.  mesti afli á mánuði var í júlí tæp 20 tonn á færum og var þá besti róðurinn 4,4 tonn.  Besti árangur á listanum var í desember þegar að báturinn endaði í 8 sætinu.

 

18.sæti.

Við höldum áfram ferðalagi okkar um landið því frá Vestfjörðum förum við til Vestmannaeyja.  Þar eru nú ekki margir smábátar gerðir út.  Þó eru þar tveir sem eru nokkuð atkvæðamiklir og báðir þeirra komast á blað yfir 20 aflahæstu smábátanna árið 2012.  Sá fyrri heitir  Hlöddi VE 98  Báturinn stundaði línu og handfæraveiðar og fór líka á makrílveiðar og landaði þá í Keflavík.  Báturinn vakti einmitt athylgi fyrir mikinn afla því að einungis einn maður réri á Hlödda VE.  Besti árangur bátsins var líka í ágúst þegar að báturinn endaði í 3 sætinu með 39 tonna makrílafla.   Besti árangur án makríl var í júlí 12 sæti.  Heildarafli bátsins var 144 tonn í 72 róðrum eða 2 tn í róðri.  

 

17 sæti.

Nú förum við aftur í ferðalag nefnilega norður á Raufarhöfn.  Þar er enn einn Cleópatrabáturinn og heitir þessi Bjargey ÞH 238.   Báturinn stundaði línu,færa og grásleppuveiðar  Heildarafli bátsins var 146 tonn í 97 róðrum eða 1,5 tonn í róðri.  Mesti afli á mánuði var í október 21 tonn og besti árangur bátsins á listanum var í desember þegar að báturinn náði 7 sætinu.  stærstu róðrar voru um 5 tonn.  

 

16.sæti.

Þessi bátur er nokkuð sérstakur því hann er kvótalaus með öllu en stundaði veiðar með því að vera á skötusel og var síðan á síldveiðum. og að auki þá var báturinn á grásleppuveiðum  Báturinn heitir Kiddi RE 89  og þrátt fyrir að hann sé skráður í Reykjavík þá landaði hann þar einungis þegar hann var á grásleppunni.  að mestu landaði hann í bolungarvík þegar hann var á skötuselnum og í Grundarfirði á síldveiðum.  Heildarafli bátsins var 156 tonn í 89 róðrum eða 1,8 tonn í róðri.   Báturinn komst þrisvar inná topp 10 sem verður að teljast ansi góður árangur.  Báturinn komst í 6 sætið í ágúst með 25 tonn, í 4 sætið í nóvember með 29 tonn af síld og besti árangur bátsins var svo í júlí , 3 sæti með 38 tonna afla á skötusel.  

 

15.sæti.

Næst förum við til Þorlákshafnar,  Þar eru mjög fáir smábátar gerðir út og þessi bátur er eini báturinn þaðan sem nær inná topp 20.  Heitir sá bátur Sleipnir ÁR 19.  Reyndar er það nú svo að þrátt fyrir að báturinn sé gerður út frá Þorlákshöfn þá er heimahöfn bátsins á Eyrarbakka.  En þaðan er ekki hægt að gera út.  Báturinn stundaði línuveiðar allt árið og var einn af fáum bátum á topp 20 sem stunduðu línuveiðar allt árið.   Báturinn var nú ekki langt frá því að ná toppsætinu í maí þegar að Sleipnir ÁR lenti í öðru sætinu með 37 tonna afla og 5,1 tonn stærsta róður.  Heildarafli bátsins var 162 tonn í 65 róðrum eða 2,5 tonn í róðri.  

 

14.sæti.

Þá er það Sandgerði, en báturinn í 14 sætinu gerði að mestu út þaðan og líka í Vestmannaeyjum en var þá á handfærum.  Hvorugir þessir bæir eru þó heimahöfn bátsins því hann er skráður í Garðinum.  Þessi bátur heitir  Birta Dís GK 194  Báturinn átti rosallegar febrúarmánuð þegar Birta Dís GK endaði í þriðja sætinu með 46 tonna afla í einungis 9 róðrum eða 5,1 tonn í róðri.  Báturinn kom þá mest með 7.9 tonn í einum róðri, og reyndar var það þannig að báturinn komst þrisvar yfir 7 tonn í róðri í febrúar og einn róður að auki var 6,8 tonn.    Eftir þetta mok þá fór báturinn á grásleppu norður á Hofsósi og Siglufirði.  Heildaraflinn bátsins var 163 tonn í 63 róðrum eða 2,6 tonn í róðri.

 

13.sæti.

Næst förum við til Grímseyjar og loksins kemur bátur sem er ekki Cleópötrubátur.  Já þessi bátur er nefnilega Sómabátur og er nokkuð merkilegur.  Þessi bátur heitir Kolbeinsey EA 352. Báturinn stundaði handfæraveiðar allt árið. en bíðum nú við báturinn réri einungis frá því um endan mars og fram í september, og sá réri.  því á þessum tíma þá fór báturinn í 102 róðra.  Þetta eru gríðarleg sjósókn á ekki styttri tíma, enda náði báturinn feiknarlega góðum árangri yfir sumarið,  Báturinn lenti í 4 sætinu bæði í júní og ágúst og í júlí þá var báturinn í hörku keppni við Berta G ÍS og endar fóru þannig að Kolbeinsey EA endaði á toppnum en þó einungis með 369 kílóum meiri afla en Berti G ÍS.  Var þá Kolbeinsey EA með 40 tonn sem var mesti mánaðarafli bátsins.  Heildaraflin var 174 tonn í 102 róðrum eða 1,7 tn í róðri.

 

12.sæti.

Þá kemur hérna bátur sem er gerður út frá Ólafsvík en þó einungis til septembers því báturinn hefur legið við bryggju síðan þá.  og já báturinn er annar báturinn í röð sem er ekki Cleópatrabátur.  Þessi bátur heitir Mangi á Búðum SH 85.  Báturinn stundaði línuveiðar og handfæraveiðar og var þá að mestu á makrílveiðum.   Bátnum gekk ansi vel á makrílnum og var með aflahæstu smábátunum á þeim veiðum.  Enda náði báturinn toppsætinu í ágúst með 46 tonna afla í 19 róðrum og var þá með 5,4 tonn í stærsta róðri sínum.  báturinn náði 5 sætinu í júlí líka á makríl.   Í janúar og febrúar þá var báturinn á línu og komst inná topp 10 báða mánuðina.  8 sæti í febrúar með 31 tonn og 6 sæti í janúar með 29 tonn.

Heildaraflinn hjá bátnum var 186 tonn í 92 róðrum eða 2,1 tonn í róðri.

 

11.sæti.

Þá rjúfum við 200 tonna múrinn og stökkvum ansi hátt upp eða 45 tonn upp.  Þar er bátur sem er gerður út frá Hrísey og á meira segja nafna hérna á listanum.  í 20 sætinu var Eydís NS og hérna er nafni bátsins Eydís EA 44  Báturinn var í toppslagnum í júní og þá við Björg Hauks ÍS og endaði þeim slag þannig að Eydís EA endaði í öðru sætinu með 45 tonn og tæp 7 tonn í stærsta róðri sínum.   Báturinn stundaði línu og handfæraveiðar á árinu.  Landaði mestum hluta aflans í Hrísey nema fór sá smá flakk þegar báturinn var á handfærunum.  

Heildarinn hjá bátnum var 231 tonn í 88 róðrum eða 2,6 tonn í róðri,

 

10.sæti,

 

Það er ekki langt ferðalag í næsta bát og er þessi bátur einn af nýustu bátunum sem eru inná topp 20.  Þessi bátur rær frá Hólmavík og heitir Herja ST 166  Báturinn stundaði línu, færa og grásleppuveiðar.  Báturinn komst  6 sinnum inná topp 10, 4 sæti í janúar, 6 sæti í apríl á grásleppuveiðum.  og síðan kom haustið og þá heldur betur fiskaði Herja ST því báturinn komst inná topp 10 á alla listann um haustið til áramóta og náði toppsætinu í desembermeð 38 tonna afla í einungis 7 róðrum eða 5,4 ton í róðri.  einn af róðrunum í desember kjaftfylti bátinn og vel það því Herja ST kom með að landi 8,5 tonn og tengilinn á myndina af Herju ST er einmitt í fréttina sem var skrifuð þá.  

Heildarafli bátsins var 234 tonn í 90 róðrum eða 2,6 tonn í róðri.

 

9.sæti,

Næst förum við til Flateyrar þar er bátur sem heitir Blossi ÍS 125.  Báturinn stundaði línu og handfæraveiðar allt árið og landaði öllum aflanum á Flateyri nema smá slatta á Ísafirði.  Báturinn komst þrisvar inná topp 10.  8 sæti í janúar, 6 sæti í maí og besti árangur bátsins var í apríl þegar að Blossi ÍS komst í 3 sætið og var þá með 41 tonn og fullfermi í stærsta túr sínum eða 7,4 tonn.  

Heildarafli bátsins var 236 tonn í 96 róðrum eða 2,4 tonn í róðri.  

 

8.sæti.

Þá er það Stykkishólmur en þrátt fyrir að nokkuð margir smábátar séu að róa þaðan þá eru ekki margir bátar þaðan sem náðu yfir 100 tonnin og var þessi bátur eini þeirra sem náði inná topp 20.  Heitir þessi bátur  Kári SH 78.  Báturinn stundaði línu og handfæraveiðar og komst í fjögur skipti inná topp 10.  10 sæti í júní, 4 sæti í febrúar, þriðja sætið í janúar og besti árangur bátsins var í desember þegar báturinn varð í öðru sætinu.  Mesti mánaðarafli var í febrúar 46 tonn.  Stærstu róðrar voru um og yfir 6 tonn.

Heildaraflinn var 241 tonn í 94 róðrum eða 2,6 tonn í róðri.

 

7.sæti.

Hérna að neðan við Hlödda VE þá skrifaði ég að þar væru tveir atkvæðamiklir bátar þar og hérna er komið að hinum VE bátnum.  Heitir sá bátur  Blíða VE 263.  Báturinn stundaði línuveiðar allt árið og landaði öllum afla sínum í Vestmannaeyjum.  Við fengum að sjá bátin ansi oft inná topp 10 því báturinn komst í fimm skipti inná topp 10.  10 sæti í jjúli, 9 sæti í janúar, 8 sæti í okt og 7 sæti í maí og sept og besti árangur bátsins var svo í júní 5 sæti og var þá með 33 tonna afla sem var mesti mánaðarafli bátsins.  

Heildarafli bátsins var 242 tonn í 106 róðrum eða 2,3 tonn í róðri.

 

6.sæti.

Við nálgumst 300 tonnin og hérna förum við Suðureyrar og þar er bátur sem heitir Berti G ÍS 727  Báturinn stundaði línuveiðar allt árið og landaði öllum afla sínum á Suðureyri.  Báturinn var ansi oft sjáanlegur inná topp 10 og það sem meira er að báturinn náði tvisvar að komast á toppinn.  Báturinn varð aflahæstur í september og í maí.  og að auki þá varð báturinn í öðru sæti í júlí eftir slag við Kolbeinsey EA sem minnst er á hérna að neðan.  Mesti mánaðarafli var í maí 43 tonn og voru stærstu róðrar um 5,5 tonn.  

Heildarafli hjá bátnum var 286 tonn í 109 róðrum eða 2,6 tonn í róðri.

 

5 sæti.

Þá erum við komin til Ólafsvíkur og þar sem útgerð sem heitir Sverrisútgerðin og sú útgerð gerir út tvo báta sem við höfum séð ansi oft inn á listanum og báðir bátarnir þeirra hafa fiskað ansi vel og verið oft í toppbaráttunni.  Báturinn í 5 sætinu var aflahæstur allra smábátanna þegar listinn var tekin saman um mitt ár en báturinn var fyrir því í maí að vélin hrundi í bátnum og var hann því frá veiðum frá því þá og alveg fram í október þegar hann fór aftur á veiðar.  Þessi bátur heitir Sverrir SH 126.  Báturinn stundaði línuveiðar allt árið og varð aflahæstur allra smábáta undir 10 BT á vertíðinni með yfir 200 tonna afla.  Enda var Sverrir SH aflahæstur í janúar og apríl og varð í öðru sætinu í febrúar.  og að auki þá var Sverrir SH hæstur í nóvember.  Mesti mánaðarafli bátsins var í apríl 66 tonn og var þá stærsti róður 8,5 tonn.

Heildarafli bátsins var 295 tonn í 90 róðrum eða 3,3 tonn í róðri.

Sverrir SH til hægri . Mynd Gísli Reynisson

 

4.sæti.

 

Jæja þá er komið að því hérna rjúfum við 300 tonna múrin og  förum við til Siglufjarðar en þar er bátur sem við höfum séð ansi oft í toppslagnum á listanum.  Þessi bátur heitir  Petra SI 18.   Báturinn stundaði línuveiðar mest allt árið, en fór að auki á grásleppuna og handfæri.  Báturinn átti marga gríðarstóra róðra og var t.d í Sandgerði í febrúar þar sem báturinn kom mest með 9,3 tonn að landi.  í júní kom báturinn mest með 7,6 tonn að landi. enn í október þá mokfiskaði Petra SI á Raufarhöfn þegar að báturinn kom með 10,3 tonn að landi og var þessi löndun stærsta einstaka löndun smábáts undir 10 BT á landinu árið 2012.  

Petra SI komst í sex skipti inná topp 10 og af því var báturinn aflahæstur tvsivar.  Petra SI var hæst í mars og var þá á grásleppunni og báturinn varð hæstur í Október með 68 tonn í einungis 11 róðrum eða 6,2 tonn í róðri.  

Heildaraflinn hjá bátnum var 312,1 tonn í 87 róðrum eða 3,6 tonn í róðri

Petra Si með fullfermi. Mynd Valgarður Jónasson

 

3 sæti.

 

 Það er nú ekki mikill munur á aflanum á Petru SI og bátnum í þriðja sætinu því það munar einungis 284 kílóum á milli þessara tveggja báta.  Báturinn sem um ræðir rær frá Ísafirði og heitir  Björg Hauks ÍS 33.    Báturinn var ansi tíður gestur inná topp 10 því báturinn komst í 9 skipti inná topp 10.  Báturinn var samfelt inná topp 10 frá því í júní og alveg til áramóta og var einmitt júní mánuðurinn besti mánuður bátsins því þá náði báturinn toppsætinu með 46 tonna afla.  Björg Hauks ÍS var í 3 sætinu í október, 5 í nóve og sept.  6 sætinu í des, 7 sætinu bæði í janúar og  ágúst og 8 sætinu í júlí.  

Báturinn var að mestu á línuveiðum en fór að auki á grásleppuna og handfæri,

heildarafinn hjá bátnum var 312,4 tonn í 127 róðrum eða 2,5 tonn í róðri.

Björg Hauks ÍS með fullfermi að steinbít

 

2.sætið.

 

Þá er komið að Sandgerði.  Einni af stærstu smábátalöndunarhöfnum landsins og þar í bæ í báturinn í öðru sætinu skráður.  og þessi bátur var um tíma í toppsætinu sem aflahæsti smábáturinn á landinu.  Þessi bátur heitir  Addi Afi GK 97.    Báturinn átti ansi gott ár og var í toppslagnum ansi oft enda komst báturinn inná topp 10 í 8 skipti og þar af var báturinn í öðru sætinu í fjögur skipti.  í janúar, apríl, sept og okt.  Mesti afli á mánuði var í okt 10 tonn.  

Báturinn átti ansi marga risaróðra t.d 7,1 tn í okt, 8,2 tonn í maí, 8,7 tonn í apríl. en Febrúar sló öll met því báturin fór einn dagin út með 36 bala enn veiði var svo mikil að Addi Afi GK þurfti að fara tvisvar út til þess að ná í aflann og það dugði ekki til og tók því Muggur KE restina af aflanum.  Þá kom Addi Afi GK mest með 9,8 tonn í einum róðri.  

 Mokveiði hjá Adda Afa GK

Hérna að ofan er tengil inná fréttina um bátinn árið 2012.

Heildaraflinn hjá Bátnum árið 2012 var 329 tonn í 78 róðrum eða 4,2 tonn í róðri sem er feiknarlega góður meðalafli.

Mynd Gísli Reynisson

 

Aflahæsti smábáturinn undir 10 BT árið 2012.

 

Já ég held að þið getið örugglega giskað á hvaða bátur sé aflahæstur´í þessum flokki árið 2012.  Það er hinn bátur Sverrisútgerðarinnar og heitir sá bátur  Glaður SH 226.     Við könnumst öll við þennan bát því hann er ansi algengur inná topp 10 og árið 2012 þá komst Glaður SH í 8 skipti inná topp 10 eða jafn oft og Addi Afi GK.  

Báturinn gjörsamlega fiskaði alla aðra báta í kaf í febrúar því Glaður SH fékk hvorki meira né  minna enn 93 tonn? þá í 17 róðrum sem gerir 5,5 tonn í róðri.  Þá var stærsti róðurinn 7,7 tonn.   Þetta var í eina skiptið sem að Glaður SH komst á toppinn en hann var í öðru sínu í nóvember.  þriðja sætinu í sept, 4 sætinu í des og apríl , fimmta sætinu í jan og okt.  

Heildarinn aflinn hjá bátum árið 2012 var 346 tonn í 115 róðrum eða 3,1 tonn í róðri.

Mynd Alfons Finnson

Eins og við höfum fengið að sjá núna í febrúar þá hefur nýtt nafn slegist í hópinn um 5 hæstu  smábátanna í febrúar og það er Brynja SH.  Báturinn hefur tvisvar núna í febrúar komist yfir 10 tonn í róðri og annar róðurinn af þeim var ansi góður

Heiðar skipstjóri fór út með 30 bala og kom til hafnar með 13,3 tonn, það gerir 443 kíló á bala.  og verður það að teljast vera feiknarlega góður afli.  

Orri Freyr Magnússon var á bryggjunni og myndaði bátinn koma til hafnar með aflann.

 

Myndir Orri Freyr Magnússon

 

Þess má geta að fyrir þrem árum síðan þá birtisti önnur frétt um Brynju SH með 13 tonn en þá fengust það á 40 bala.

Brynja SH árið 2010

Það fer ekkert á milli mála að vetrarvertíðin er í fullum gangi núna.  Hörkugóð veiði hefur verið í netin má segja um allt land hjá þeim bátum sem stunda þær veiðar.  Bátarnir eru reyndar ekki margir rétt um 40 talsins og eru þá smábátarnir taldir með.  Ef einungis eru miðaðir við bátar yfir 100 BT að stærð þá eru þeir ekki nema 19.  

Áhöfninn á Geir ÞH frá Þórshöfn hefur verið að veiðum í Breiðarfirðinum og hefur ekki slegið stöku við.  Þeir hafa komist í 39 tonn á einum degi og bættu svo um betur núna fyrir nokkrir síðan og komu með 42 tonn að landi .

eins og sést að neðan þá dugðu ekki einu sinni körinn fyrir allan aflann

Mynd af Facebooksíðu Geirs ÞH

 

 

Geir ÞH er ekki eini báturinn sem hefur fiskað vel því Jökull ÞH sem rær frá Húsavík hefur stundað veiðar í Breiðarfirðinum en hefur dregið í sig eins og kallað er þ.e.a.s verið 3 til 4 daga á veiðum.  hefur báturinn verið að koma með til Húsavíkur 214 tonn í einungis 3 löndunum. , mest 74 tonn í einni löndun

Jökull ÞH mynd af facebooksíðu Geirs ÞH

 

 Þrátt fyrir að þessir tveir bátar að ofan séu að norðan og veiði ekki þar þá eru nokkrir minni bátar að veiðum útfrá Eyjafirði og við Grímsey.  í Grímsey er Þorleifur EA og sá hefur heldur betur mokveitt og róið stíft.  báturinn hefur komist í 26 tonn í einni löndun og er kominn yfir 200 tonn í mánuðinum sem er feiknarlega góður afli.   Þorleifur EA er 76 BT stálbátur,

Nær landi má nefna að smábáturinn Eiður EA sem er rétt um 12 BT að stærð hefur róið alla daga í febrúar og komist í rúm 7 tonn í einni löndun.  en báturin landað á Ólafsfirði en hefur verið að veiðum skammt þar fyrir utan og við Héðinsfjörð.

Enn norðar má nefna að á Raufarhöfn þá hafa smábátarnir þar á netum fiskað vel.  t.d komst Kristinn ÞH sem er 15BT plastbátur með 10 tonn í einni löndun

Kristinn ÞH mynd Hafþór Hreiðarsson

 

Ef við höldum áfram og förum austur á Hornafjörð þá eru þar nú ekki nema 4 netabátar en þeir hafa allir fiskað vel og  miðað við stærstu róðranna þá hefur Hvanney SF komið með um 25 tonn að landi í einum róðri.   Sigurður Ólafsson SF sem er yfir 50 ára gamall bátur hefur komið með 36 tonn að landi, Skinney SF hefur komið með tæp 30 tonn að landi og Þórir SF 44 tonn að landi.  Allir þessir bátar eru komnir með meira enn 200 tonn í febrúar,

 

semsé ansi góður febrúarmánuður sem er að verða búinn og verður spennandi að sjá hvernig mars mánuður fer enn sá mánuður hefur hingað til verið langstærstu netamánuður ársins.  

Sjá má netalistann fyrir febrúar hérna.

Netalistinn í Febrúar

Núna í vetur hafa nokkrir Íslenskir frystitogarar verið að veiðum í Norsku fiskveiðilögsöguni.  norður af Tromsöy í Noregi.  Þar hafa verið Venus HF sem er búinn að landa einni löndun og er aftur farin á veiðar þar.  Málmey SK, Þór HF og Gnúpur GK.  Ekki eru margir íslenskir ísfiskstogarar sem fara þangað til veiða enda er mjög löng sigling þangað eða 4 dagar aðra leiðina eða 8 dagar í heildina bara í siglingu.

Kaldbakur EA sem er okkar stærsti ísfiskstogari hefur farið tvær veiðiferðir þangað norður eftir og heldur betur mokveitt.  Í raun má segja að hann fiski meira þarna á sólarhring heldur enn frystitogararnir því aflinn er það mikill þarna að frystitogarnir láta vinnslugetuna um borð ráða því hversu mikill afli veiðist á sólarhring.

 

Í fyrsta túrnum sínum  þá var Kaldbakur EA alls 13 daga í burtu og ef að dregið er frá 8 dagar í siglingu þá eru eftir 5 dagar á veiðum og á þessum 5 dögum fékk Kaldbakur EA  285 tonn og var þorskur af því 269 tonn.  þetta gerir 57 tonn á dag sem er feiknargóður afli.

 

Togarinn fór síðan aftur og var aftur í 13 daga í burtu og kom til hafnar á Akureyri en þar landar togarinn og var þá með 271 tonn og var þorskur af því 219 tonn.  þetta gerir 54 tonn á veiðidag.

 

Þegar þessi orð eru skrifuð þá er Kaldbakur EA í þriðju veiðiferðinni sinni þarna og verður fróðlegt að sjá hvernig honum gengur.  

Mynd Guðmundur St Valdimarsson

Núna er búið að auka við loðnukvótann og þá má segja að allir bátar séu settir til veiða, og á Akranesi og í Vestmannaeyjum hafa legið þrír bátar sem hafa verið notaðir til loðnuveiða sem aukabátar.  Eru það Ísleifur VE, Sigurður VE og á Akranesi Víkingur AK.

Núna hefur Víkingur AK verið settur á veiðar og þegar þessi orð eru skrifuð þá er báturinn að nálgast Garðaskaga á leið á miðin.

 

Þessi gamli síðutogari sem er orðin 53 ára gamall ber um 1440 tonn og ef hægt er að setja loðnubátanna í virðaringarstigann þá er hann efstur í honum ásamt Sigurði VE sem er reyndar ekki farin til veiða, en líklegast fer hann til veiða líka.

Mynd Þorgeir Baldursson

Mynd Kristján Maack

Mynd Björn Lúðvíksson

 

Það er búið að vera skítaveður núna það sem af er febrúar og dagurinn í dag 10 febrúar var ansi góður og þá fóru allir á sjó.  Ég átti leið um höfnina í Sandgerði og þá var verið að landa þar á öllum þeim 5 krönum sem þar eru en það samt dugði ekki til því bátar voru að koma í land og biðu eftir löndun.  

 

Afli hjá bátunum var mjög góður um og yfir 200 kíló á bala.  

 

Þeir bátar sem voru að landa þarna og voru að bíða voru eftirfarandi.

Kristján HF ( með 7 til 8 tonn)

Daðey GK ( um 7 tonn)

Pálína ÁGústdóttir GK ( um 7  tonn).  en þess má geta að þessi löndun var næst síðasta löndun bátsins á balaveiðum því báturinn er að fara á línuveiðar með beitninavél,

Svala Dís KE ( um 6 tonn).

Muggur KE ( um 7 tonn).

 

Svo voru að bíða Gísli Súrsson  GK ( vel siginn vissi ekki um aflann á honum)

Steini GK ( um 7,5 tonn)

Von GK

Ragnar Alfreðs GK.

 

Læt svo fylgja með myndir sem ég tók , enn þess má geta að allar myndirnar eru teknar á símann minn.  

Kristján HF að landa og Muggur KE að komast undir kranann

Gísli Súrsson GK vel siginn. náði ekki að kanna aflabrögð þeirra. ef vel er gáð sést að strákarnir á bátnum eru bara að hafa það gott í brúnni.

Steini GK sem var aflahæstur smábátanna frá 10 til 11 BT er þarna vel siginn með um 7,5 tonn í bátnum.

 

Sama mynd og að ofan en þarna er ég búinn að "kroppa" Steina GK nær. og eins og sést er hann vel siginn

Svala Dís KE sem vanalega hefur verið á netum, var í fjórða línuróðri sínum á vertíðnni. aflinn um 6 tonn. Skipstjórinn tjáði mér að takmarkið væri fyrir 11 febrúar að koma með 7 tonn og þar yfir.

 

Pálína Ágústdóttir GK. Gísli var sáttur með daginn og hann á eftir einn róður á bölunum

Nokkrir bátar að bíða. til vinstri er Steini GK, blái báturinn er Ragnar Alfeðs GK og þar bakvið var svo Von GK

Kiddó skipstjóri á Steina GK og Óli hásetir voru ánægðir með daginn. lestin full og öll kör líka.

 

Það eru ekki margir stórir bátar að stunda línuveiðar með bölum.  Þeir helstu eru einungis Brimnes BA, Hamar SH og Gulltoppur GK.   En núna hefur orðið breyting á því að Stormur SH  hefur hafið línuveiðar.  Er þetta í fyrsta skiptið sem Stormur SH fer á línuna en hann hefur hingað til verið á dragnót.

Beitt er að bátnum í Sandgerði og er báturinn búinn að landa tvisvar um 11 tonnum.  Stormur SH byrjaði að veiðum utan við Sandgerði en færði síg síðan vestur á Rif og hefur verið að veiðum við Snæfellsnesið og líka vestur við Látrabjarg.

 

Verðru því fróðlegt að fylgjast með gengi Storms SH inná línulistanum á síðunni.

 

Mynd Grétar Þór Sæþórsson

Jæja þá er komið að síðasta listanum fyrir smábátanna yfir 10 BT.  Og hérna tökum við fyrir minnstu bátanna sem við erum með inná smábátalistanum yfir 10 BT.  og það sem er kanski merkilegast við þessa báta og sérstaklega efstu bátanna að þrátt fyrir að þeir séu þetta litlir þá hafa þeir gert oft ansi góða hluti inná listanum. þetta á sérstaklega við um þrjá efstu bátanna.

 

Við skulum henda okkur í listann.

 

5 sæti.

Við skulum byrja listann í Ólafsvík.  Þar eru ansi margir bátar sem við höfum séð í toppslagnum en báturinn í fimmta sætinu hefur aldrei tekið þátt í því.  Vísir SH  heitir sá bátur.  Báturinn gerði út alla mánuðina á síðasta ári og voru línuveiðar aðalveiðarfæri bátsins, en auk þess þá fór hann á handfæri.  Heildaraflin hjá Vísi SH var 156 tonn í 78 róðrum eða rúm 2 tonn í róðri.  Mesti mánaðarafli var í febrúar 27 tonn í 10 róðrum.  tveir stærstu róðrarnir hjá bátnum voru 5,3 og 5,2 tonn.

 

Mynd Ingólfur Þorleifsson

 

4 sæti.

 

Hérna höfum við bát frá Grímsey og það sem er merkilegt við þennan bát er það að útgerðaraðilinn sem gerir út bátin seldi þennan bát og keypti annan aðeins minni, og við það að kaupa nýjan bát þá komst nýji báturinn inná smábátalistann undir 10 BT og núna í janúar árið 2013 þá er sá bátur að gera feiknargóða hluti.   Konráð EA  heitir þessi bátur og er "litli" nýji Konráð EA í toppslagnum hjá smábátunum undir 10 BT núna í janúar.   Konráð EA sem við erum með hérna gerði einungis út til loka ágúst en réri ansi mikið og fór róðrafjöldinn hjá bátnum yfir 100 róðra.   Báturinn stundaði línu, handfærar og grásleppuveiðar

Heildaraflinn hjá Konráð EA var 172 tonn í 112 róðrum eða 1,5 tonn í róðri.  Eins og sést þá réri báturinn gríðarlega mikið og t.d í apríl þegar báturinn var á grásleppu þá fór báturinn í 24 róðra.  

Mynd Grétar Þór Sæþórsson

 

3 sæti.

 

 Næst förum við um 200 tonnum ofar  og á Arnarstapa.  Þar er bátur sem við fengum ansi oft að sjá inná listanum því þessi litli bátur kom ansi oft drekkhlaðin til hafnar.  heitir sá bátur  Kvika SH.   Báturinn stundaði línuveiðar, handfæraveiðar og grásleppuveiðar og var reyndar lítið róið um sumarið og hóf ekki veiðar fyrr enn um miðjan október.

En þvílík og önnur eins veiði hjá þessum litla báti var þegar báturinn var á línuveiðar.  við fengum að sjá Kviku SH fjórum sinnum inná listanum.  og besti árangur bátsins er vægast sagt rosalegur.  því í janúar þá náði báturinn 15 sæti og var með 87 tonna afla.  Báturinn komst ansi oft yfir 7 tonn í róðri en stærsti róður bátsins var í desember og sá róður var nú ekkert slor, því landað var út bátnum 8,7 tonni.

Heildaraflinn hjá Kviku SH var 375 tonn í 84 róðrum eða 4,5 tonn í róðri.  Ótrúlega góður meðalafli svo ekki sé meira sagt.

Fanney SH núna Kvika SH Mynd Jón páll Ásgeirsson

 

2 sæti.

Við förum ekki langt í annað sætið því við förum frá Arnarstapa og yfir til Rifs.  Þar er Lilja SH   og eins og með Kviku SH þá fengum við að sjá Lilju SH inná nokkrum listum því báturinn komst inná fjóra lista.  Jan, feb, okt og nóv.  Besti árangur bátsins var í febrúar þegar að báturinn komest í 25 sætið og var með 71 tonna afla.  sem var mesti mánaðarafli bátsins.  Báturinn átti ansi marga fullfermistúra og komst t.d í febrúar í 8,4 tonn í einum róðri og í nóvemberg í 8,6 tonn í einum róðri.

Báturinn stundaði línuveiðar að mestu en var þó yfir sumarið á handfærum og landaði þá t.d á Bolungarvík og Skagströnd.

Heildaraflinn hjá Lilju SH var 389 tonn í 111 róðrum eða 3,5 tonn í róðri

Mynd Guðmundur St Valdimarsson

 

Alahæsti smábáturinn í þessum flokki.

 Já þá er það toppsætið og við förum til Garðs eða Sandgerðis því þessi bátur er með sína aðallöndunarhöfn í Sandgerði.  heitir þessi bátur  Steini GK.   báturinn stundaði línuveiðar allt árið og um sumarið fór báturinn norður á Siglufjörð og skrapp reyndar líka austur á neskaupstað.  Eins og með Lilju SH og Kviku SH þá fengum við að sjá Steina á nokkrum listum á árinu.  Steini GK komst inná júní, maí, apríl, feb og janúar listann.  Besti árangur bátsins á listanum var í apríl 25 sæti og mesti mánaðarafli var í apríl 62 tonn.  Stærsti róður bátsins var rúm 7 tonn.

Heildaraflinn hjá Steina GK var 424 tonn í 102 róðrum eða 4,2 tonn í róðri sem er mjög góður meðalafli.

Steini GK með 7 tonn í mars árið 2011. Mynd Ragnar Pálsson

 

Núna hafa tveir lista birst og hérna kemur þriðji smábátalistinn og núna eru það bátarnir sem eru frá 11 BT og uppí 12 BT að stærð.  

Það eru nú reyndar ekki margir bátar í þessum flokki en þeir eru þó nokkrir og hérna koma fimm hæstu bátarnir árið 2012.

 

5 sæti.

Við byrjum þennan lista á Hólmavík.  Þar er báturinn  Hafbjörg ST.   Báturinn var við veiðar eitthvað í öllum mánuðum ársins og stundaði alls fjórar tegundir af veiðiskap.  Báturinn var á línu, grásleppu, handfærum og fór síðan í breiðarfjörðin á síldveiðar.  Alls var heildaraflinn hjá Hafbjörgu ST 83 tonn í 48 róðrum eða 1,7 tonn í róðri.  Mesti mánaðarafli var í apríl en þá var báturinn á grásleppiveiðum og landaði 17 tonnum í 9 róðrum.  Stærsti róður var tæp 4 tonn.

 

Mynd Þorgeir Baldursson

 

4 sæti.

Kópavogur telst nú seint til stærstu útgerðarstaða á landinu þrátt fyrir að bærinn sjálfur sé með stærstu bæjum á landinu.  Þó er þar einn bátur sem er með Kópavog sem aðalútgerðstað sinn og það sem meira er að báturinn er nafni síðuritara.  Heitir sá bátur  Gísli KÓ.    Báturinn stundaði línuveiðar, handfæraveiðar og grásleppuveiðar.  Kópavogur var hans aðallöndunarhöfn nema á handfærunum þá fór báturinn á Suðureyri.  Honum gekk ansi vel á handfærunum og kom tvisvar með yfir 7 tonn að landi og var voru tveir stærstu róðrar Gísla KÓ 7,5 og 7,3 tonn á handfærunum,

Heildaraflinn hjá bátnum var 164 tonn í 65 róðrum eða 2,5 tonn í róðri, mesti mánaðarafli var í janúar 31 tonn og báturinn komst í 41 sætið á listanum í júní þá á handfærum

Mynd Ríkarður Ríkarðsson

 

3 sæti.

 Eins og sást á listanum yfir aflahæstu smábátanna fyrir árið 2012 þá eru bátar frá Bolungarvík ansi hátt skrifaðir þar.  Reyndar er ekki allir bátar frá Bolungarvík í svona feiknarlegum aflaslag eins og bátarnir sem við sjáum.   Gunnar Leós ÍS  var gerður út þaðan en reyndar ekki nema í 7 mánuði því báturin hætti veiðum í lok júní og fór ekki aftur af stað fyrr en í desember.  Báturinn komst þó tvisvar inná listann, í 39 sætið í mars og í 26 sætið í júní þegar að báturinn landaði 50 tonnum sem var mesti mánaðaraflin bátsins á árinu.  Heildaraflinn hjá Gunnari var 216 tonn í 95 róðrum eða 2,4 tonn í róðri.  Báturinn var að mestu á línuveiðum  og á grásleppu april og maí.

 

Mynd Guðmundur St Valdimarsson

 

2 sæti.

 Báturinn í öðru sætinu fór ekki í marga róðra en átti ansi marga stóra túra.   Stella GK  heitir sá bátur.  Stellan fór einungis í 49 sjóferðir á árinu.  Báturinn stundaði línuveiðar alla þessa róðra, fyrst var báturin í Sangerði en fór síðan til Drangsnes þar sem að báturinn er t.d núna.  Útgerðaraðilin sem á Stellu GK á líka Guðrúnu Petrínu GK og færist áhöfninn á milli bátanna.  Heildaraflinn hjá Stellu GK var 230 tonn í 49 róðrum eða 4,7 tonn í róðri sem er ansi góður meðalafli.  stærsti róður var 9,1 tonn og síðan komu tveir róðrar sem voru 8,1 tonn.  Mesti mánaðarafli var í janúar 46 tonn.  

Mynd Valur Björn Línberg

 

Aflahæsti báturinn í þessum flokki árið 2012.

 

 Sá sem var aflahæstur í þessum flokki var með afgerandi meiri afla en báturinn í öðru sætinu því hann var með hátt í 180 tonnum meiri afla .   Særún EA  var aflahæst í þessum flokki og er þessi bátur gerður út af sama útgerðaraðila og gerir út Sólrúnu EA en Sólrún EA var annar aflahæsti smábáturinn í flokknum 12 BT til 13 BT.  Særún EA réri mjög mikið á síðasta ári og var á línu nema í mars og apríl þegar að báturinn fór á grásleppuna.  Heildaflinn hjá Særúnu EA var 407 tonn í 163 róðrum eða 2,5 tonn í róðri.  Við fengum að sjá bátinn inná nokkrum listum á árinu því Særún EA komst inná mars, júní, september, nóvember og desember listanna.  Besti árangur bátsins var í júní 27 sætið og þá var líka mesti mánaðaraflinn 46 tonn.  Særún EA tók þátt í mokinu sem Sólrún EA fór í norður undir Kolbeinsey og kom mest með í maí tæp 10 tonn sem er drekkhlaðinn bátur.  í júní þá var stærsti róður bátsins tæp 9 tonn.  

Mynd Skipaskrá Fiskifrétta

 

Í gær þá birti ég pistil yfir aflahæstu smábátanna fyrir árið 2012.    Eins og gefur að skilja þá eru það mestmegnis stóru smábátarnir og þeir sem hafa yfir ansi miklum kvóta að ráða sem voru á þeim lista.  

Það eru nokkrir bátar sem eru stærri en 10 BT sem hafa verið að róa líka í fyrra og hérna að neðan verður birti listi yfir 5 aflahæstu smábátanna sem eru á stærðinni frá 12 BT til 13 BT:

 

5 Sæti.

Við förum hérna alla leið austur á Borgafjörð Eystri.  Þar er bátur sem heitir   Emil NS  Er hann stærsti báturinn sem er gerður út þaðan.  Báturinn gerði út á línu allt árið og réri eitthvað í öllum mánuðum á árinu.  Heildaraflinn hjá Emil NS var 159 tonn í 60 róðrum eða 2,7 tonn í róðri.  Mesti mánaðarafli var í mars 23 tonn í 9 róðrum.   

Mynd Jón Páll Ásgeirsson

 

4 sæti.

Ein af frægari setningum sem hefur verið skrifuð hérna á síðunni var í janúar árið 2010, þá voru Tryggvi Eðvars SH og Sirrý ÍS í hörkuslag um toppsætið og endaði það þannig að báðir bátarnir fóru yfir 220 tonn þar sem að Tryggvi Eðvars SH hafði sigurinn.  Þá kom þessi setning " En strákar sjáiði Lúkas ÍS ",  já þá var þessi 12 tonna bátur að ryðja sér inná topp 10 með  ansi góðum afla.  Þessi bátur var síðan seldur til Keflavíkur og heitir þar í dag   Maggi Jóns KE   Útgerðaraðilar Magga Jóns KE höfðu átt stálbál með sama nafni og voru iðulega á netaveiðum.  Með kaupunum á nýja bátnum þá fóru þeir að gera út á handfæri og línu.  Báturinn gerði út allt síðasta ár og var á handfæraveiðum frá því í maí og fram í september.  Heildaraflinn hjá bátnum var 210 tonn í 66 róðrum eða 3,1 tonn í róðri.  Mesti mánaðarafli var í febrúar 30 tonn og stærsti róður var um 7 tonn.

Mynd af Marinetraffic.com

 

3 sæti.

 Næst förum við til Hríseyjar.  Þar er nokkur útgerð og stærsti báturinn þar heitir  Siggi Gísla EA.    Báturinn gerði út alla mánuðina á síðasta ári og var á handfæraveiðum í hluta af júní og júlí.  Var á línu alla hina mánuðina.  Heildaraflinn hjá Sigga Gísla EA var 276 tonn í 91 róðrum eða 3,1 tonn í róðri.  Mesti mánaðarafli var í júní 39 tonn, sem fengust bæði á línu og færi og var stærsti róður tæp 6 tonn.  og besti árangur bátsins á listanum var líka í júní 37 sætið.

Mynd Þorgeir Baldursson

 

2 sæti.

 Við höldum okkur áfram í Eyjafirðinum og hérna kemur bátur sem hefur ansi oft gert feiknarlega góða hluti og það sem meira er að báturinn hefur  náð að koma með meira en 10 tonn að landi sem er ansi gott.   Sólrún EA  heitir þessi bátur.  Báturinn réri allt árið og fór á grásleppuna í mars og frammí maí.  Sólrún EA var í hópi með þeim bátum sem réri hvað ofast allra báta á síðasta ári því báturinn fór í 170 róðra og heildaraflinn 438 tonn eða 2,6 tonn í róðri.  Báturinn var nokkuð tíður gestur inná listanum því Sólrún EA komst 6 sinnum inná listann og var besti árangur bátsins 25 sætið í júní.  Mesti mánaðarafli var í júní 55 tonn og í maí var báturinn með 52 tonn.  

Maí mánuður var algert ævíntýri fyrir strákanna á bátnum því hann byrjaði mánuðinn á grásleppu fór síðan á línu og gekk frekar illa.  Var með nestu bátum á listanum.  Svo sóttu þeir út alla leið norður undir Kolbeinsey og gjörsamlega mokfiskuðu því þeir fengu í 5 róðrum 47 tonn og komu þrisvar með meira en 10 tonn að landi.  

Þess má geta að þónokkrar fréttir hafa verð skrifaðar um mokafla hjá Sólrúnu EA hérna á síðunni

Hérna má lesa Sólrúnarfréttir

 

Mynd Hafþór Hreiðarsson

 

Aflahæsti báturinn í þessum flokki árið 2012.

Við höldum okkur enn fyrir norðan land því  Akraberg SI  var aflahæstur í þessum flokki.  Báturinn gerði út allt síðasta ár og landaði mestum hluta aflans á Siglufirði.  Auk þess þá kom báturinn við á Akranesi, Seyðisfirði og Raufarhöfn.  Báturinn var á línu allt árið nema 5 róðra í ágúst.  Heildaraflinn hjá bátnum var 505 tonn í 127 róðrum eða 3,9 tonn í róðri.  Mesti mánaðarafli var í janúar 67 tonn og besti árangur á listanum var í júní 21 sæti fyrir 65 tonn.  Mesti afli í róðri var í október þegar að báturinn var á Raufarhöfn þá kom hann mest með 11,3 tonn að landi.  Akraberg SI gekk líka vel þessa 5 róðra sem hann fór á handfæri því báturinn kom mest m eð 10,6 tonn að landi í einum róðri þá

Mynd Hafþór Hreiðarsson