Mynd frá Alla sem tekin er um borð í Ásbergi RE árið 1976.

og pælinginn er hvar er myndin tekin og hvaða bátur sést á myndinni.


Mynd Aðalsteinn Sveinsson

Kem hérna með aðra útgáfu af þessari mynd enn reyndi að kroppa bátinn betur út og reyna að skerpa myndina.  kanski það hjálpi mönnum eitthvað að þekkja bátinn.

Mynd tekin um borð í Ásbergi RE á landleið með fullfermi að loðnu í ansi þungum sjó.  

Mynd Aðalsteinn Sveinsson.

Hérna kemur ein frá Alla sem er tekin á Alberti GK á loðnuveiðum 1978.  líklegast er Gullberg VE næst Alberti GK. 


Mynd Aðalsteinn Sveinsson

Þessi mynd er nokkuð sérstök.  Þarna var Alli um borð í Ásbergi RE og voru þeir á leið úr norðursjónum þegar aðalvélin bilaði.  Tok þá við rek í einn sólarhring á meðan beðið var eftir Goðanum.  Myndin er tekin þegar Goðinn er að fara taka Ásberg RE í tog.  myndin er tekin 1976.

Mynd Aðalsteinn Sveinsson.

Enn ein myndin frá Alla.  Þessi er tekin á síldinni austur á fjörðum 1981.  Myndin er tekin úr Magnúsi Kristni GK.  Boði KE átti sér ansi mörg systurskip og síðuhöfundur byrjaði sjómennsku sína á einu þannig. Bergi Vigfúsi GK sem áður hét Skógey SF.

Hérna kemur ein flott frá Alla.  myndin er tekinn fyrir austan land um 1981.  Þarna var Alli á Magnúsi Kristin GK og voru þeir´og Ari Einarsson GK báðir á reknetum.  Kalli í Klöpp í Sandgerði og Sólmundur áttu Ara Einarsson GK.


Mynd Aðalsteinn Sveinsson

Mynd númer 5.

Hérna kemur ein óþekkt.  Myndin er tekin árið 1978 og báturinn er óþekktur.
hvaða bátur er á myndinni?

Mynd Aðalsteinn Sveinsson

Mynd númer 4.

Þriðja myndin frá Alla er tekin um borð í Alberti GK, enn ég þekki ekki bátinn á myndinni og því set ég það í ykkar hendur að nafngreina hann.  þ.e.a.s ef menn vita hver báturinn er.  

Næsta mynd frá Alla er tekin um haustið árið 1981, þá um borð í Magnúsi Kristni GK sem Guðjón Bragason gerði út.  Þarna voru þeir á Reknetaveiðum í austfirskum fjörðum.  

Það má segja að mjög víða um land þá séu til myndaalbúm í hillu hjá hinum ýmsum sjómönnum, og margar þessara mynda koma aldrei fram á sjónarsviðið.  Því er það með nokkru stolti að ég hef komist í eitt þessara albúma því Aðalsteinn Sveinsson á Ísafirði hefur gefið mér leyfi fyrir að birta myndir frá honum hérna á síðunni.  Aðalsteinn er bróðir Reynis Sveinssonar sem er pabbi minn.  Alli eins og hann er kallaður stundaði sjómennsku í þónokkuð mörg ár og var iðulega með myndavélina meðferðis, lengst fór hann til veiða undir ströndum afríku.