22.08.2010 01:02
Inná þessari síðu eru ansi margir flokkar af hinu og þessu. og einn af þeim heitir . Út fyrir landsteinanna.
Þessum flokki hef ég kanski ekk sinnt neitt að viti undanfarið. enn fann þó mynd hérna sem mér fannst nokkuð góð og vildi deila henni með ykkur
Þetta er mynd sem er tekinn um borð í tankskipinu Bonny sem er frá Finnlandi og er 1969 BT skip.
Myndin er ansi góð.
Mynd. Lalulu 65 af www.shipspotting.com.
15.02.2010 01:34
Þar sem síðan er núna komin inná teljari.is þá veit ég með vissu um að það er þónokkuð af fólki frá Noregi sem kemur á síðuna. og því er ekki úr vegi að koma með frétt þaðan.
Mér var bent á þessa frétt af skipstjóra einum. og er þessi frétt lauslega þýdd af síðuhöfundi.
Það var þriðjudagsmorgun í Hjelmlas í Hördeland þegar Kare haugland og John Arne báðir 54 ára fór til netaróðurs á báti sínum Slabben sem er tæplega 6 metra löng trilla. Þegar þeir voru að draga netin þá sáu þeir að það var eitthvað rosalegt í netunum því stæðrarinnar skepna kom uppá yfirborðið og sá þeir að þetta var skötuselur og það ekkert smáflykki. reyndist nokkurt bras að ná honum um borð og þegar í land kom þá var selurinn vigtaður og vigtaði þá 99,4 kíló
Verðmæti þessa risafisks miðað við verð á mörkuðum hérna á Íslandi er þá að rokka frá 50.000 krónum og upp í 100.000 krónur. Stærsti fiskur sem hafði veiðst þar á undan þessum var um 79 kíló
Nú er ég ekki sérfræðingur í aldri á skötusel enn vafalaust eru einhverjir sem vita betur um það enn ég.
Því miður þá fann ég ekki mynd af bátnum sem þessir heiðursmenn voru á.
. 
John Arne Mostraum við risa skötuselin
Kare Haugland við skötuselin.
Heimildir og myndir www.vg.no
Fyrir þá sem eru góður í norsku þá er hægt að lesa upprunalegu fréttina
Hérna
03.08.2009 22:02
Næsta mynd í þessum flokki er af nokkuð stórum báti sem á sér kanski samsvörun með nokkrum bátum sem hafa og eru gerðir út á Íslandi núna.
Báturinn heitir Ability BF 9 og gerður út frá Banff á Bretlandi. Báturinn var smíðaður í Aberdeen árið 1973 og hét þá Kingsdale. Fékk Ability BF 9 nafnið árið 1994.
Báturinn er 26.21 meter á lengd og er 6.48 á breidd. 154 BT. og í honum er 466 hestafla vél.
Samsvörun við Íslenska báta, fyrsta sem mér datt í hug var t.d Ýr KE sem var gerð út í nokkur ár hérna frá suðurnesjum. Brúin á Ability BF 9 er ekki ósvipuð og var á Ýr KE. Svo má nefna Sigurfara GK og Hástein ÁR sem báðir voru opnir að aftan eins og Ability BF 9 er á myndinni.
slatti af myndum er til af bátnum og valdi ég tvær úr og neðri myndin er ansi góð.
Mynd John Mcheecahn af shipspotting.com
Mynd Tommy af Trawlerpictures.net.
24.07.2009 03:46
Næsti bátur í þessum flokki er gerður út frá Skotlandi. Þegar ég sá fyrst mynd af honum þá datt mér strax tenging við Ísland í hug. Reyndar þegar fór síðan að skoða sögu bátsins betur þá kemur ansi sorgleg saga upp.
Ég fann reyndar ekki hvenær báturinn er smíðaður enn hann var gerður út frá Maryport á skotlandi og var gerður út á skelveiða með plóg.
Tenginginn við Ísland er að báturinn minnir að nokkru leyti á Andra BA sknr 1951 sem lengi vel hét Hugborg SH. Einnig eru einkennisstafir bátsins þannig að hann gæti alveg frá Íslandi. því bátar frá t.d Patreksfirði, Brjánslæk, Bíldudal og Tálknafirði eru allir með BA merki, BA 379 gæti því hafa verið til á báti frá Íslandi. í netheimum þá fann ég reyndar ekki hvaða bátur það gæti hafa verið.
En því miður þá hefur saga þessa báts sorgarendi. því mánudaginn 20.júlí 2009 þá hvolfdi bátnum undan Ardnamurchan höfða á Skotlandi. Hvolfdi bátnum á svæði sem hefur löngum verið æfingasvæði fyrir kafbáta. reyndar voru engin kafbátar á svæðinu þegar slysið skeði. Um borð í bátnum voru 4 menn þegar honum hvolfdi og drukknuðu 3 þeirra, þar á meðal skipstjórinn sem var 52 ára gamall. Allir voru þeir frá Cumbria. Einn bjargaðist. inná trawlerphotos síðunni er minningardálkur um sjómennina sem fórust með bátnum. og er linkur á hann hérna fyrir neðan.
http://www.trawlerphotos.co.uk/forums/showthread.php?t=1838.
Mynd tekin af www.shipspotting.com. tekin árið 2007.
Mynd tekin af www.trawlerphotos.com.
Að lokum má geta þess að fjallað er um slysið á vefsíðu BBC.
http://news.bbc.co.uk/2/hi/uk_news/scotland/highlands_and_islands/8161106.stm
15.07.2009 02:17
alltaf hægt að dunda sér við eitthvað. ákvað að stofna nýjan flokk hérna sem heitir "út fyrir landsteinanna" og þá mun ég reyna að koma með myndir utan úr heimi af ýmisskonar bátum, eða einhverju sem vekur athygli mína. Myndirnar eru ekki teknar af mér heldur eru fengnar að láni frá viðkomandi ljósmyndara sem tók myndina, reyndar í sumum tillfella er ekki gefinn upp ljósmyndari. Prufa þetta, nú ef þetta mælist illa fyrir hjá sem skoða
www.aflafrettir.com þá mun ég hætta með þennan flokk.
Fyrsti báturinn í þessum flokki heitir Annie B 998 og gerð út frá Skotlandi. Báturinn var smíðaður á árunum 2004 til 2005 og er 14,95 m á lengd. 6,2 m á breidd 3,6 á dýpt og er með 360 hestafla vél. mælist báturinn 49 BT. Er hann að mestu hugsaður fyrir krappa og netaveiðar.
Þessi bátur á sér hálfgerða tvíbura hérna á íslandi enn Þorsteinn BA og Egill ÍS voru fyrir lengingu ekki ósvipaðir Annie að útliti, þ.e.a.s stuttir og háir.
Fann myndir af bátum fyrir og eftir málningarvinnu.
Ljósmyndarar.efri mynd faulder4 og neðri mynd ljósmyndari ókunnur
