Aflafréttir og fleira

04.02.2009 16:09

Leiguverð á kvóta og verð á mörkuðum.

ég hef nú hingað til ekki verið að láta skoðanir mínar í ljós hérna á síðunni varðandi ýmis málefni sem tengjast sjávarútveginum. Enn þetta mál er eitthvað sem ekki er hægt að horfa frammhjá. Á mínum bryggjurúntum undanfarna góðvirðisdaga þá hefur vakið athygli mína að netabátar hafa verið í landi þrátt fyrir góða sjótíð. má þar nefna t.d Búdda KE, Reynir GK, Hans Jakop GK.

hvað veldur jú, í auðlindinni þann 3 febrúar var viðtal við skipstjórann á Katrínu SH og þar talaði hann um það að leiguverð á kvóta væri það hátt miðað við verð að fiskmörkuðum að hann ætlaði að taka upp netin þar sem hann var ekki að hafa nema um 18 til 22 krónur í sinn vasa.

ef litið er á leiguverð síðustu mánað þá sést að t.d leiguverð á þorski var í byrjun árs um 212 krónur og fór upp í um 220 krónur. fór það svo niður undir miðan mánuð í 190 krónur og núna í tæpum 190 krónum. Meðalverð á þorski á fiskmörkuðum var í byrjun árs rúmar 250 krónur og rokkaði á bilinu 220 til 255 krónur framm í enda janúar þá hríðféll verðið og er núna í 185 krónum. semsé leiguverð er hærra heldur enn verð á markaðir.

hvernig stendur á þessu?. nú er búið að gefa út 30.000 tonna þorskaukningu enn hver fór hún.?

þetta ástand er ansi slæmt og ég vona að annaðhvort leiguverðið lækki og verð á markaði fari nú að hækka til þessa að þessir bátar geti farið aftur út að róa.

þetta kemur á ansi slæmum tíma. hávertíð í gangi og mars mánuður á eftir að koma enn hann er yfirleitt mjög aflasæll og mokveiði í öll veiðarfæri.

Skrifað af Gísli.R

02.12.2008 08:46

Oddur Kaupir Narfa VE

Færi fréttina um Odd og Narfa VE undir könnunina sem er hérna á síðunni til þess að menn geti betur tengt umræðuna sem er hérna undir fréttinni, við spurninguna í könnunni.

Myndin af Narfa VE. Gísli Hjartarsson. færi ég honum bestu þakkir fyrir.

Þá er það komið í gegn. Oddur Sæmundsson netakóngur með meiru hefur keypt Narfa VE. Narfi VE hét fyrst Bára SU og var þá smíðaður fyrir útgerðamannin Árna Stefánsson. Árni lést þann 21.október árið 1980. Árni átti þar á undan bát sem hét Stefán Árnasson SU. Réri Árni bæði á Stefáni Árnasyni SU sem og á Báru SU alltaf á vertíð frá Vestmannaeyjum.

Oddur hefur nokkuð látið til sín taka núna í ár þótt að hann hafi ekki átt neinn bát til að róa á. Ufsaveiðimokið sem hefur verið hjá Erling KE hefur að hluta verið Oddi að þakka. enda var hann með bátinn um tíma. Myndin af Magga Jóns KE er þegar hann kom að landi með 20 tonn á vertíðnni núna í vetur. Oddur var einmitt með bátinn í þessum túr, enn Oddur var með Magga Jóns KE að hluta á vertíðinni 2008.

Það verður mikill fengur að fá Odd aftur í slaginn með netabátunum og nú er bara spurning hvort sé ekki hægt að kalla fram hinn netakónginn sem var á sínum tíma oft í harðri keppni við Odd um aflasætið. að sjálfsögðu er ég að tala þarna um Grétar Mar Jónsson sem lengst af var með Sæborgu RE og seinna meir með Berg Vigfús GK.

Skrifað af Gísli.R

02.12.2008 07:18

Könnun.

Oddur kaupir bát, já það er frétt um það hérna á síðunni, og við þá frétt spunnust ansi góðar umræður milli Gunnars og Kristjáns Rafns. Þar kom sú hugmynd fram að setja í könnun spurningu sem tengist þessu.

Spurninginn er ansi löng og kemst ekki öll fyrir í könnunardákinum og er því sett hérna fram í heilu lagi.
og er hún eftirfarandi.

Finnst mönnum það í lagi að menn selji sig útúr sjávarútvegi og komi aftur inn með hundruði milljóna í forgjöf og keppi við menn sem núna eru á leigumarkaði?.

Þessi texti mun verða efstur á síðunni vegna þess að spurninginn verður að sjást.

Skrifað af Gísli.R